- Джолда аягъынга сакъ бол, ушакъда тилинге сакъ бол.
- Джиби бир къат джетмей эди да, эки къат тарта эди.
- Харам къарнашдан, халал тенг ашхы.
- Эртде тургъан джылкъычыны эркек аты тай табар.
- Хоншуну тауугъу къаз кёрюнюр, келини къыз кёрюнюр.
- Сабий кёргенин унутмаз.
- Айранын берсенг, челегин да къызгъанма.
- Тынгылагъан тынгы бузар.
- Джангыз терек къынгыр ёсер.
- Хар зат кесини орнуна иги.
- Орну джокъну – сыйы джокъ.
- Юйлю уругъа ит чабмаз.
- Накъырда – кертини келечиси.
- Атлыны кёрсе, джаяуну буту талыр.
- Ариуну – ауруу кёб.
- Айырылмаз джууугъунга, унутмаз сёзню айтма.
- Суу ичген шауданынга тюкюрме.
- Кёб джашагъан – кёб билир.
- Этим кетсе да, сюегим къалыр.
- Чабакъ башындан чирийди.
- Тешик этген тынчды, аны джамагъан къыйынды.
- Джюрекге ариу – кёзге да ариу.
- Тил – миллетни джаны.
- Ана къолу ачытмаз.
- Дуния мал дунияда къалады.
- Ачыу алгъа келсе, акъыл артха къалады.
- Аман къатын сабий табса, бий болур…
- Тёрдеги кюлсе, эшикдеги ышарыр.
- Эр сокъур болсун, къатын тилсиз болсун.
- Мадар болса, къадар болур.
- Сёз сёзню айтдырыр.
- Ханнга да келеди хариблик.
- Къонагъы джокъну – шоху джокъ.
- Элде адам къалмаса, ит тахтагъа минер.
- Сёз – кюмюш, джыр – алтын.
- Шекер бла туз – бир болмаз, ушамагъан – юй болмаз.
- Туз, гырджын аша, тюзлюк бла джаша.
- Ата – баланы уясы.
- Адам боллукъ, атламындан белгили болур.
- Билими азны – ауузунда кирит.
- Окъуусуз билим – джокъ, билимсиз кюнюнг – джокъ.
- Къумурсхала джыйылсала, пилни да джыгъадыла.
- Адеб этмеген, адеб кёрмез.
- Ач бёрюге мекям джокъ.
- Ачны эсинде – аш.
- Намыс сатылыб алынмайды.
- Башынга джетмегенни сорма.
- Уруну арты – къуру.
- Иесиз малны бёрю ашар.
- Бюгюн дуния кибик, тамбла ахыратды.
Профиль
|
Чулпан
 Эльбрусоид
Cообщений: 1007
Баллов: 805
Регистрация: 16.12.2011
Последний визит: 23.07.2016 22:32:04
|
|
||||||
|
|
|
||||||