- Ана къолу ачытмаз.
- Берекет берсин деген джерде, берекет болур.
- Бозаны арты дауур болур.
- Бермеген къол, алмайды.
- Эркиши – от, тиширыу – суу.
- Ётюрюк хапар аякъ тюбю бла джюрюйдю.
- Тойгъа алгъа да барма, тойда артха да къалма.
- Джетген къыз джерли эшекни танымаз.
- Джерни букъусу кёкге къонмаз.
- Бёрю да ач къалмасын, эчки да ашалмасын.
- Азыкълы ат арымаз, къатыны аман джарымаз.
- Джети тилни билген джети кишиди.
- Тенгни тенглиги джашай барсанг билинир.
- Биреуге аманлыкъны тилеме да, кесинге ашхылыкъны тиле.
- Ач къалгъандан, кеч къалгъан къолай.
- Сютню башын джалагъан къутулур, тюбюн ичген тутулур.
- Чакъырылгъанны аты, чакъырылмагъанны багъасы болур.
- Аш кетер да бет къалыр.
- Адеб джокъда, намыс джокъ.
- Суу кетер, таш къалыр.
- Нафысынгы айтханын этме, намысынгы айтханын эт.
- Аджашхан тёгерек айланыр.
- Тешик этген тынчды, аны джамагъан къыйынды.
- Хар адамгъа кеси миннген тау кибик.
- Терслик кетер, тюзлюк джетер.
- Адам сёзге тынгыла, акъыл сёзню ангыла.
- Баргъанынга кёре болур келгенинг.
- Билгенни къолу къарны джандырыр.
- Аллахха ийнаннган кишини, Аллах онгдурур ишин.
- Къралынгы – душмандан, башынгы от бла суудан сакъла.
- Адеби болмагъан къыз – тузсуз хант.
- Айранын берсенг, челегин да къызгъанма.
- Элиб деген, элге болушур.
- Ана – юйню кюн джарыгъы.
- Эртде тургъан джылкъычыны эркек аты тай табар.
- Алтыннга тот къонмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эл тойса, тоймагъан, эл къойса, къоймагъан.
- Джыйырма къойну юч джыйырма эбзе кюте эди.
- Джангыз терек къынгыр ёсер.
- Тойгъан джерге джети къайт.
- Байны къызы баймакъ болса да, юйде къалмаз!
- Тил джюрекге джол ишлейди.
- Ойнай билмеген, оюн бузар.
- Къозулугъунда тоймагъан, къойлугъунда тоймаз.
- Чомарт къонакъ юй иесин сыйлар.
- Ётюрюкден тюбю джокъ, кёлтюрюрге джиби джокъ.
- Алма терегинден кери кетмез.
- Айтылгъан сёз ызына къайтмаз.
- Ишлемеген – тишлемез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72