- Аманнга да, игиге да оноусуз къатышма.
- Ашлыкъны арба юйге келтирир, чана базаргъа элтир.
- Иги адам абынса да, джангылмаз.
- Адеб базарда сатылмаз.
- Ауурну тюбю бла, дженгилни башы бла джюрюген.
- Ата – баланы уясы.
- Иги адамны бир сёзю эки болмаз.
- Джюз элде джюз ёгюзюм болгъандан эсе, джюз джууугъум болсун.
- Накъырданы арты керти болур.
- Джыйырма къойну юч джыйырма эбзе кюте эди.
- Ариу сёз аурууунгу алыр.
- Ётюрюкчюню шагъаты – къатында.
- Джылар джаш, атасыны сакъалы бла ойнар.
- Дженгил джетерикме деб, узун джолну къоюб, къысхасын барма.
- Айранны сюйген, ийнек тутар.
- Аш кетер да бет къалыр.
- Чыбыкълыкъда бюгюлмеген, къазыкълыкъда бюгюлмей эди.
- Адамны сыфатына къарама, сёзюне къара.
- Кёкдеги болмаса, джердегин кёрмейди.
- Аллахха ийнаннган кишини, Аллах онгдурур ишин.
- Джеринден айырылгъан – джети джылар, джуртундан айырылгъан – ёлгюнчю джылар.
- Билими азны – ауузунда кирит.
- Джуртун къоругъан озар.
- Айран тёгюлсе, джугъусу къалыр.
- Адеби болмагъан къыз – тузсуз хант.
- Къонакъ хазыр болгъанлыкъгъа, къонакъбай хазыр тюлдю.
- Ач келгенни – тойдур, кеч келгенни – къондур.
- Иги сёз – джаннга азыкъ, аман сёз башха – къазыкъ.
- Кийиминг бла танылма, адамлыкъ бла таныл.
- Къарт болгъан джерде, берекет болур, сабий болгъан джерде, оюн болур.
- Тюзню ётмеги тюзде къалса да, тас болмаз.
- Душманны тышы – акъ, ичи – къара.
- Ачылгъан эт джабылыр, кёрген кёз унутмаз.
- Байны къызы баймакъ болса да, юйде къалмаз!
- Ач бёрюге мекям джокъ.
- Ёмюрлюк шохлукъну джел элтмез.
- Эки элинги тыйсанг, джети элде махталырса.
- Чомартны къолу берекет.
- Чыкълы кюнде чыкъмагъан, чыкъса къуру кирмеген.
- Кёрмегеннге кебек – танг, битмегеннге сакъал – танг.
- Хазыр ашха – терен къашыкъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ишленмеклик адамлыкъды.
- Ариу – кёзге, акъыл – джюрекге.
- Арыгъан къош чамчы болур.
- Биреуню эскиси биреуге джангы болмайды.
- Уллу айтханны этмеген – уллаймаз.
- Нафысынгы айтханын этме, намысынгы айтханын эт.
- Бюгюн дуния кибик, тамбла ахыратды.
- Ётюрюкню къуйругъу – бир тутум.
Профиль
|
Лучизарная
 Эльбрусоид
Cообщений: 214
Баллов: 171
Регистрация: 15.12.2011
Последний визит: 22.06.2012 00:03:44
|
|
||||||
|
|
|
||||||