- Адам боллукъ, атламындан белгили болур.
- Орундукъ тюбюнде атылсам да, орта джиликме, де да айлан.
- Ач отунчуну ачыуу – бурнунда.
- Ариу сёз – джаннга азыкъ, аман сёз – башха къазыкъ.
- Ариуну – ауруу кёб.
- Къоркъакъны кёзю экили кёрюр.
- Босагъагъа джууукъ орун болса, ашыгъыб тёрге озма.
- Тик ёргени, тик энгишгеси да болады.
- Джолда аягъынга сакъ бол, ушакъда тилинге сакъ бол.
- Аз айтсам, кёб ангылагъыз.
- Ата Джуртча джер болмаз, туугъан элча эл болмаз.
- Мал кёб болса, джууукъ кёб болур.
- Итли къонакъ джарашмаз.
- Джуртун къоругъан озар.
- Тилсиз миллет джокъ болур.
- Нарт сёз къарт болмаз.
- Ашхылыкъ джерде джатмайды, аманлыкъ суугъа батмайды.
- Джарлы джети элни сёзюн этер.
- Билгенни къолу къарны джандырыр.
- Иги джашны ышаны – аз сёлешиб, кёб тынгылар.
- Бет бетге къараса, бет да джерге къарар.
- Къартха ушагъан джаш – акъыллы, джашха ушагъан къарт – тели.
- Юй кюйдю да, кюйюз чыкъды, ортасындан тюйюш чыкъды.
- Таш ата билмеген, башына урур.
- Сууда джау джокъ, кёб сёзде магъана джокъ.
- Аман киши кеси юйюнде – къонакъ.
- Ачны эсинде – аш.
- Чалманны аллы къалай башланса, арты да алай барады.
- Билимден уллу байлыкъ джокъду.
- Ёзденликни кёбю ётюрюк.
- Ариу джол аджал келтирмез.
- Суугъа – таянма, джаугъа – ийнанма.
- Ауузу аманнга «иги», деме.
- Шапа кёб болса, аш татымсыз болур.
- Адеб этмеген, адеб кёрмез.
- Байны къызы баймакъ болса да, юйде къалмаз!
- Къыйынлы джети элни къайгъысын этер.
- Ёлген эшек бёрюден къоркъмайды.
- Аман эсирсе, юйюн ояр.
- Джеринден айырылгъан – джети джылар, джуртундан айырылгъан – ёлгюнчю джылар.
- Аууз сакълагъан – джан сакълар.
- Ата – билек, ана – джюрек!
- Телини эшигин, махтау джабар.
- Кийиминг бла танылма, адамлыкъ бла таныл.
- Тиширыусуз юй – отсуз от джагъа.
- Сёлеш деб шай берген, тохта деб, сом берген.
- Мухар, кеси тойса да, кёзю тоймаз.
- Тели турса – той бузар.
- Айтхан сёзюне табылгъан.
- Къызын тута билмеген, тул этер, джашын тута билмеген, къул этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72