Эльбрусоид :: Форум

Акъыл сабырлыкъ берир.
Эртде тургъан джылкъычыны эркек аты тай табар.
Эллинг бла джау болсанг да, юйюнг бла джау болма.
Телиге акъыл салгъандан эсе, ёлгеннге джан салырса.
Айранны сюйген, ийнек тутар.
Ашын ашагъанынгы, башын да сыйла.
Адам бла мюлк юлешмеген эсенг, ол адамны билиб бошагъанма, деб кесинги алдама.
Аман адамны тепсинге олтуртсанг, къызынгы тилер.
Къонакъ кёб келюучю юйню, къазаны отдан тюшмез.
Билмезни кёзю кёрмез, этмезни къулагъы эшитмез.
Ёлген аслан – сау чычхан.
Ашаса, ашамаса да, бёрюню ауузу – къан.
Бал чибинни ургъаны – ачы, балы – татлы.
Бети бедерден, намыс сакълама.
Ёмюрлюк шохлукъну джел элтмез.
Адамны адамлыгъы къыйынлыкъда айгъакъланады.
Келгинчи, къонакъ уялыр, келгенден сора, къонакъбай уялыр.
Бозаны арты дауур болур.
Ашыкъгъанны этеги бутуна чырмалыр.
Къошда джокъгъа – юлюш джокъ.
Илму – джашауну джолу.
Гырджын – тепсини тамадасы.
Алтыда кюлмеген, алтмышда кюлмез.
Эр сокъур болсун, къатын тилсиз болсун.
Иши джокъну, сыйы джокъ.
Ёксюзню къалачы уллу кёрюнюр.
Билим ат болуб да чабар, къуш болуб да учар.
Аманны тукъумуна къарама, игини тукъумун сорма.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ашхы – джыяр, аман – джояр.
Къарнынг тойгъунчу аша да, белинг талгъынчы ишле.
Джашда акъыл джокъ, къартда къарыу джокъ.
Ашыкъгъан cуу, тенгизге джетмез.
Сууда джау джокъ, кёб сёзде магъана джокъ.
Сёз садакъдан кючлюдю.
Къайгъыны сюйген, къайгъы табар.
Тюзлюк шохлукъну бегитир.
Термилгенинги табмазса, кюлгенинге тюберсе.
Хар адамгъа кеси миннген тау кибик.
Таш ата билмеген, башына урур.
Аз айтсам, кёб ангылагъыз.
Тил – кесген бычакъ, сёз – атылгъан окъ.
Байма, деб да, къууанма, джарлыма, деб да, джылама.
Аман адам элни бир-бирине джау этер.
Керилген да, ургъан кибикди.
Берекет берсин деген джерде, берекет болур.
Кюн – узун, ёмюр – къысха.
Нёгерсизни джолу узун.
Бетинги сатма, малынгы сат.
Ханнга да келеди хариблик.

Логин:
Пароль:
	Запомнить меня на этом компьютере

Забыли свой пароль?
Регистрация