- Сагъыш – къартлыкъгъа сюйюмчю.
- Уруну арты – къуру.
- Ичимден чыкъды хата, къайры барайым сата?
- Эл тойса, тоймагъан, эл къойса, къоймагъан.
- Ётюрюкню къуйругъу – бир тутум.
- Аз сёлеш, кёб ишле.
- Кёзден кетген, кёлден да кетеди.
- Джыгъылгъанны сырты джерден тоймаз.
- Тойгъан антын унутур.
- Къонакъ кёб келюучю юйню, къазаны отдан тюшмез.
- Сабийликде юретмесенг, уллу болса – тюзелмез.
- Атынг аманнга чыкъгъандан эсе, джанынг тамагъынгдан чыкъсын.
- Къулакъдан эсе, кёзге ышан.
- Аджашхан тёгерек айланыр.
- Акъыллы эркиши атын махтар, акъылсыз эркиши къатынын махтар.
- Адам сёзюнден белгили.
- Айырылгъанланы айю ашар, бёлюннгенлени бёрю ашар.
- Ашлыкъ – бюртюкден, джюн – тюкден.
- Ойнай билмеген, оюн бузар.
- Борчунг бар эсе, хурджунунга ойлаб узал.
- Таукелге нюр джауар.
- Хар ишни да аллы къыйынды.
- Сёз къанатсыз учар.
- Ата Джуртуму башы болмасам да, босагъасында ташы болайым.
- Aдам боллукъ, сыфатындан белгили.
- Джашлыкъ этмеген, башлыкъ этмез.
- Болджал ишни бёрю ашар.
- Къонакъны къачан кетерин сорма, къачан келлигин сор.
- Къарны аманнга къазан такъдырма, къолу аманнга от джакъдырма.
- Къайгъыны сюйген, къайгъы табар.
- Ёзденликни джайгъан – джокълукъ.
- Сескекли кесин билдирир.
- Тёзгеннге, джабылгъан эшик ачылыр.
- Босагъа таш юйге кирмей эди, тыбыр таш эшикге чыкъмай эди.
- Тилчиден кери бол.
- Ханнга да келеди хариблик.
- Гыдай эчки суугъа къараб, мюйюзле кёрмесе, джашма алкъын, дегенди.
- Джигер – джаннга къыйынлыкъ.
- Сакъламагъан затынга джолукъсанг, не бек къууанаса, не бек ачыйса.
- Бойнуму джети джерден кессенг да, мен ол ишни этеллик тюлме.
- Адамгъа аман кюн соруб келмейди.
- Къалгъан ишге къар джауар.
- Акъыл сабырлыкъ берир.
- Таш ата билмеген, башына урур.
- Рысхы – сют юсюнде кёмюк кибикди.
- Дженгил джетерикме деб, узун джолну къоюб, къысхасын барма.
- Билмезни кёзю кёрмез, этмезни къулагъы эшитмез.
- Терслик кетер, тюзлюк джетер.
- Джюрекге ариу – кёзге да ариу.
- Байдан умут эте, джарлыдан ёгюз багъасы къорады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72