- Игилик игилик бла сингдирилиучю затды.
- Босагъагъа джууукъ орун болса, ашыгъыб тёрге озма.
- Башсыз урчукъ тюзюне айланмаз.
- Ёлюк кебинсиз къалмаз.
- Арбаз къынгырды да, ийнек сауалмайма.
- Баш болса, бёрк табылыр.
- Таукел тауну аудурур.
- Игини сыйлагъан адетди.
- Аман эсирсе, юйюн ояр.
- Къартны бурнун сюрт да, оноугъа тут.
- Ачыкъ джюрекге джол – ачыкъ.
- Махтаннган къыз, тойда джукълар.
- Ашхы адам – халкъ байлыгъы, ашхы джер – джашау байлыгъы.
- Джарлы эскисин джамаса, къууаныр.
- Кирсизни – саны таза, халалны – къаны таза.
- Джигер – джаннга къыйынлыкъ.
- Эртде тургъан бла эртде юйленнген сокъуранмаз.
- Къайгъыны сюйген, къайгъы табар.
- Сабий болмагъан джерде, мёлек болмаз.
- Чомартны къолун джокълукъ байлар.
- Иши джокъну, сыйы джокъ.
- Иесиз малны бёрю ашар.
- Адам къыйынлыгъын кёлтюрюр, зауукълугъун кёлтюрмез.
- Башынга джетмегенни сорма.
- Уясында не кёрсе, учханында аны этер.
- Джукъу тёшек сайламайды.
- Аллахдан тилесенг, кёб тиле.
- Эски джаугъа ышанма.
- Эшекге миннген – биринчи айыб, андан джыгъылгъан – экинчи айыб.
- Къарнынг къанлынга кийирир.
- Алма терегинден кери кетмез.
- Ушамагъан – джукъмаз.
- Суу кетер, таш къалыр.
- Ата Джуртча джер болмаз, туугъан элча эл болмаз.
- Окъугъан – асыу, окъумагъан – джарсыу.
- Хазыр ашха – терен къашыкъ.
- Мадар болса, къадар болур.
- Садакъачыны джаны – къапчыгъында.
- Айныгъанлы алты кюн, тогъайгъанлы тогъуз кюн.
- Аз сёлеш, кёб ишле.
- Юйюнгден чыкъдынг – кюнюнгден чыкъдынг.
- Эшекни не къадар тюйсенг да, ат болмаз.
- Ишни ахырын ойламай, аллын башлама.
- Малны кют, джерни тюрт.
- Азыкълы ат арымаз, къатыны аман джарымаз.
- Бек анасы джыламаз.
- Къарын къуру болса, джюрек уру болур.
- Аджаллыгъа окъсуз шкок атылыр.
- Кёбге таш атма.
- Билими азны – ауузунда кирит.
Профиль
|
|
|
|||