- Игини сыйлагъан адетди.
- Сибиртки да сыйлы болду, кюрек да кюнлю болду.
- Байлыкъ тауусулур, билим тауусулмаз.
- Акъыл неден да кючлюдю.
- Башы ишлегенни, ауузу да ишлер.
- Ёлюр джаннга, ёкюл джокъ.
- Бал ашаргъа сюе эсенг, чибин ургъаннга тёз.
- Тёзгеннге, джабылгъан эшик ачылыр.
- Кимни – тили, тиши онглу, кимни – къолу, иши онглу.
- Эски джаугъа ышанма.
- Насыблы элин сюер, насыбсыз кесин сюер.
- Ёлмесенг да, къарт дамы болмазса?
- Ётюрюкден тюбю джокъ, кёлтюрюрге джиби джокъ.
- Насыб бютеу халкъны юлюшюдю.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Биреуге аманлыкъ этиб, кесинге игилик табмазса.
- Татлы тилде – сёз ариу, чемер къолда – иш ариу.
- Ауругъан – джашаудан умутчу.
- Къонакъны къачан кетерин сорма, къачан келлигин сор.
- Хоншуну тауугъу къаз кёрюнюр, келини къыз кёрюнюр.
- Эшекни не къадар тюйсенг да, ат болмаз.
- Таякъ этден ётер, тил сюекден ётер.
- Тыш элде солтан болгъандан эсе, кесинги элде олтан болгъан игиди!
- Окъ къызбайны джокълайды.
- Джеринден айырылгъан – джети джылар, джуртундан айырылгъан – ёлгюнчю джылар.
- Кёб джашагъан – кёб билир.
- Тиширыусуз юй – отсуз от джагъа.
- Элни кючю – эмеген.
- Бойнуму джети джерден кессенг да, мен ол ишни этеллик тюлме.
- Махтаннган къыз, тойда джукълар.
- Чабакъ башындан чирийди.
- Ушамагъан – джукъмаз.
- Кёбню кёрген – кёб билир.
- Абынмазлыкъ аякъ джокъ, джангылмазлыкъ джаякъ джокъ.
- Кёб ант этген, кёб ётюрюк айтыр.
- Суу ичген шауданынга тюкюрме.
- Агъач халкъгъа алтынды, иссиликге салкъынды.
- Аман киши кеси юйюнде – къонакъ.
- Джангыз торгъай джырламаз.
- Экеулен сёлеше тура эселе, орталарына барыб кирме.
- Юйюнгден чыкъдынг – кюнюнгден чыкъдынг.
- «Ма», - дегенни билмесенг, «бер», - дегенни билмезсе.
- Нафысынгы айтханын этме, намысынгы айтханын эт.
- Билмезни кёзю кёрмез, этмезни къулагъы эшитмез.
- Азыгъы аз, алгъа къабар, аты аман, алгъа чабар.
- Айтылгъан буйрукъ, сёгюлмез
- Къолу уллу – асыу, аягъы уллу – джарсыу.
- Джырына кёре эжиую.
- Келлик заман – къартлыкъ келтирир, кетген заман – джашлыкъ ёлтюрюр.
- Ёнгкюч къууана барыр, джылай келир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72