- Къыз келсе, джумуш эте келеди, къатын келсе, ушакъ эте келеди.
- Адам боллукъ, атламындан белгили болур.
- Кёзню ачылгъаны – иги, ауузну джабылгъаны – иги.
- Сормай – алма, чакъырылмай – барма.
- Баланы адам этген анады.
- Aдам боллукъ, сыфатындан белгили.
- Джырчы джырчыгъа – къарнаш.
- Джаш къарыу бла кючлю, къарт акъыл бла кючлю.
- Иши джокъну, сыйы джокъ.
- Къарт болгъан джерде, берекет болур, сабий болгъан джерде, оюн болур.
- Аман адам элни бир-бирине джау этер.
- Байны оноуу, джарлыгъа джарамаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Урунуу – насыбны анасы.
- Ауузу аманнга «иги», деме.
- Агъач халкъгъа алтынды, иссиликге салкъынды.
- Тешигини къатында, чычхан да батыр болур.
- Кёкдеги болмаса, джердегин кёрмейди.
- Атадан ёксюз – бир ёксюз, анадан ёксюз – эки ёксюз.
- Сабий болмагъан джерде, мёлек болмаз.
- Кеси юйюмде мен да ханма.
- Адамны адамлыгъы къыйынлыкъда айгъакъланады.
- Сабийни джумушха джибер да, ызындан бар.
- Кёб джат да, бек чаб.
- Чёбню кёлтюрсенг, тюбюнден сёз чыгъар.
- Ишге юренсин къоллары, халкъ бла болсун джоллары.
- Къыйынлы джети элге оноу этер.
- Ата Джуртча джер болмаз, туугъан элча эл болмаз.
- Джырчы ёлсе, джыры къалыр.
- Азыкъ аз болса, эртде орун сал.
- Сёз – кюмюш, джыр – алтын.
- Ёлген эшек бёрюден къоркъмайды.
- Биреу ашаб къутулур, биреу джалаб тутулур.
- Элни кючю – эмеген.
- Билген билмегенни юретген адетди.
- Окъугъанны бети джарыкъ.
- Таукел адам тау тешер.
- Бек анасы джыламаз.
- Акъыл къартда, джашда тюйюлдю – башдады.
- Джаным-тиним – окъуу, билим.
- Джеринден айырылгъан – джети джылар, джуртундан айырылгъан – ёлгюнчю джылар.
- Эте билген, этген этеди, эте билмеген, юретген этеди!
- Ашлыкъны арба юйге келтирир, чана базаргъа элтир.
- Хансыз джомакъ болмаз.
- Къарын къуру болса, джюрек уру болур.
- Ата Джуртун танымагъан, атасын да танымаз.
- Сагъышы джокъ – джукъучу, акъылы джокъ – къаугъачы.
- Джюз элде джюз ёгюзюм болгъандан эсе, джюз джууугъум болсун.
- Ёксюзню къалачы уллу кёрюнюр.
- Рысхысына кёре, джаш ёсер, къышлыгъына кёре, мал ёсер.
Профиль
|
|
|||