- Кесине гебен этелмеген, биреуге черен эте эди.
- Урунуу – насыбны анасы.
- Къарт айтханны этмеген, къартаймаз.
- Къыз келсе, джумуш эте келеди, къатын келсе, ушакъ эте келеди.
- Тойгъа алгъа да барма, тойда артха да къалма.
- Бети – къучакълар, джюреги – бычакълар.
- Тёгюлген тюгел джыйылмайды.
- Кийиминг бла танылма, адамлыкъ бла таныл.
- Тёрдеги кюлсе, эшикдеги ышарыр.
- Кёл ашады да, кеси ашады.
- Къатын байлыкъны сюер, эр саулукъну сюер.
- Джахил болса анасы, не билликди баласы?
- Къызын тута билмеген, тул этер, джашын тута билмеген, къул этер.
- Джаным-тиним – окъуу, билим.
- Магъанасыз сёз – тауушсуз сыбызгъы.
- Джырчы джырчыгъа – къарнаш.
- Аз сёлешген, къайгъысыз турур.
- Кесинге джетмегенни, кёб сёлешме.
- Сабий кёргенин унутмаз.
- Эри аманны, къатыны – аман.
- Эр сокъур болсун, къатын тилсиз болсун.
- Аманнга да, игиге да оноусуз къатышма.
- Эки элинги тыйсанг, джети элде махталырса.
- Башынга джетмегенни сорма.
- Баш – акъыл ючюн, акъылман – халкъ ючюн.
- Эки итни арасына сюек атма, эки адамны арасында сёз чыгъарма.
- Хансыз джомакъ болмаз.
- От этилмеген джерден тютюн чыкъмайды.
- Гугук кесини атын айтыб къычыргъанча, мен, мен деб нек тураса?
- Баш болса, бёрк табылыр.
- Элге къуллукъ этмеген, элге ие болмаз.
- Къазанда болса, чолпугъа чыгъар.
- Юйюнгден чыкъдынг – кюнюнгден чыкъдынг.
- Эрине къаргъыш этген къатын, эрнин къабар.
- Ичимден чыкъды хата, къайры барайым сата?
- Эски джаугъа ышанма.
- Арбаз сайлама да, хоншу сайла.
- Акъыллы башны – тили къысха.
- Иги сеники эсе да, сюйген кесимикин этеме.
- Къыз тиширыу кеси юйюнде да къонакъды.
- Айранын берсенг, челегин да къызгъанма.
- Къарны аманнга къазан такъдырма, къолу аманнга от джакъдырма.
- Эринчекни эр алмаз, эр алса да, кёл салмаз, кёл салса да, кёб бармаз!
- Чомарт джарлы болмаз.
- Ачны эсинде – аш.
- Ата Джуртча джер болмаз, туугъан элча эл болмаз.
- Сакъ юйюне сау барыр.
- Бозаны арты дауур болур.
- Эшекни не къадар тюйсенг да, ат болмаз.
- Байлыкъдан саулукъ ашхыды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72