- Билген билмегенни юретген адетди.
- Хата – гитчеден.
- Онгсузну – джакъла, тенгликни – сакъла.
- Сакъламагъан затынга джолукъсанг, не бек къууанаса, не бек ачыйса.
- Бир абыннган – минг сюрюнюр.
- Тюзню ётмеги тюзде къалса да, тас болмаз.
- Экеулен сёлеше тура эселе, орталарына барыб кирме.
- Ханы къызы буюгъа-буюгъа киштик болду.
- Иги болса, тамадама – махтау, аман болса, меннге – айыб.
- Ашаса, ашамаса да, бёрюню ауузу – къан.
- Урама да – ёледи, сатама да – келеди.
- Джеринден айырылгъан – джети джылар, джуртундан айырылгъан – ёлгюнчю джылар.
- Асхат ашлыкъ сата, юйдегиси ачдан къата.
- Эки ойлашыб, бир сёлешген.
- Биреуге аманлыкъ этиб, кесинге игилик табмазса.
- Аджал соруб келмез, келсе, къайтыб кетмез.
- Ана къолу ачытмаз.
- Эки итни арасына сюек атма, эки адамны арасында сёз чыгъарма.
- Эл бла кёргенинг эрелей.
- Билим насыб берир, билим джолну керир.
- Этим кетсе да, сюегим къалыр.
- Къатын байлыкъны сюер, эр саулукъну сюер.
- Тин – байлыгъынг, терен саулугъунг.
- Мураты болгъанны джюрек тебюую башхады.
- Терслик кетер, тюзлюк джетер.
- Ашхы атаны – джашы ашхы, ашхы ананы – къызы ашхы.
- Айранын берсенг, челегин да къызгъанма.
- Чабакъгъа акъыл, табагъа тюшсе келеди.
- Тойгъан джерге джети къайт.
- Билгенни къолу къарны джандырыр.
- Къарнынг тойгъунчу аша да, белинг талгъынчы ишле.
- Чомарт джарлы болмаз.
- «Ма», - дегенни билмесенг, «бер», - дегенни билмезсе.
- Шекер бла туз – бир болмаз, ушамагъан – юй болмаз.
- Кёпюр салгъан кеси ётер, уру къазгъан кеси кетер.
- Чабакъсыз кёлге къармакъ салгъанлыкъгъа, чабакъ тутмазса.
- Окъумагъан сокъурду, сокъур ташха абыныр!
- Насыблы элин сюер, насыбсыз кесин сюер.
- Эртде тургъан джылкъычыны эркек аты тай табар.
- Кимни – тили, тиши онглу, кимни – къолу, иши онглу.
- Адебсиз адам – джюгенсиз ат.
- Таш ата билмеген, башына урур.
- Чабакъ башындан чирийди.
- Ауузу бла къуш тута айланады.
- Джолда аягъынга сакъ бол, ушакъда тилинге сакъ бол.
- Чомарт къонакъ юй иесин сыйлар.
- Кюн – узун, ёмюр – къысха.
- Аманны тукъумуна къарама, игини тукъумун сорма.
- Ишге юренсин къоллары, халкъ бла болсун джоллары.
- Тойчу джашха къарама, къойчу джашха къара.
Профиль
|
|
|||