- Биреу ашаб къутулур, биреу джалаб тутулур.
- Къулакъдан эсе, кёзге ышан.
- Ашда – бёрю, ишде – ёлю.
- Ауурну тюбю бла, дженгилни башы бла джюрюген.
- Хата – гитчеден.
- Джюрекге ариу – кёзге да ариу.
- Тёрени джагъы джокъ.
- Татлы сёз – балдан татлы.
- Къонакъ аман болса, къонакъбай джунчур
- Ариу джол аджал келтирмез.
- Бетинги сатма, малынгы сат.
- Минг тенг да азды, бир джау да кёбдю.
- Уллу суу бла уллу ауруудан башынгы сакъла.
- Чомартха Тейри да борчлуду.
- Эшекге миннген – биринчи айыб, андан джыгъылгъан – экинчи айыб.
- Хансыз джомакъ болмаз.
- Айырылгъанланы айю ашар, бёлюннгенлени бёрю ашар.
- Джетген къыз джерли эшекни танымаз.
- Ашлыкъны арба юйге келтирир, чана базаргъа элтир.
- Ишлегенде эринме, ишде чолакъ кёрюнме.
- Игиге айтсанг – билир, аманнга айтсанг – кюлюр.
- Гугурук къычырмаса да, тангны атары къалмаз.
- Окъугъанны бети джарыкъ.
- Джолунга кёре – джюрюшюнг, джагъанга кёре – юлюшюнг.
- Аман эсирсе, юйюн ояр.
- Тил – миллетни джаны.
- Насыблы элин сюер, насыбсыз кесин сюер.
- Аман адамны тепсинге олтуртсанг, къызынгы тилер.
- Акъыллы эркиши атын махтар, акъылсыз эркиши къатынын махтар.
- Суугъа – таянма, джаугъа – ийнанма.
- Байлыкъдан саулукъ ашхыды.
- Онгсузну – джакъла, тенгликни – сакъла.
- Къайгъыны сюйген, къайгъы табар.
- Бир абыннган – минг сюрюнюр.
- Халкъны джырын джырласанг, халкъ санга эжиу этер.
- Кюлме джашха – келир башха.
- Бозанг болмагъан джерге, къалагъынгы сукъма.
- Ишин билген, аны сыйын чыгъарады.
- Атлыны ашхысы, ат тизгининден билинир
- Джарлы эскисин джамаса, къууаныр.
- Тай асырагъан, атха минер.
- Терек ауса, отунчу – кёб.
- Бек анасы джыламаз.
- Чалманны аллы къалай башланса, арты да алай барады.
- Нарт сёз – тилни бети.
- Сагъышы джокъ – джукъучу, акъылы джокъ – къаугъачы.
- Байны оноуу, джарлыгъа джарамаз.
- Суу кетер, таш къалыр.
- Булут кёкге джарашыу, уят бетге джарашыу.
- Къанны къан бла джуума, аманны аман бла къуума.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72