- Айныгъанлы алты кюн, тогъайгъанлы тогъуз кюн.
- Эшекге миннген – биринчи айыб, андан джыгъылгъан – экинчи айыб.
- Ач келгенни – тойдур, кеч келгенни – къондур.
- Хата – гитчеден.
- Насыблы элин сюер, насыбсыз кесин сюер.
- Аманны тукъумуна къарама, игини тукъумун сорма.
- Баш болса, бёрк табылыр.
- Ёлген ийнек сютлю болур.
- Бичгенде ашыкъма, тикгенде ашыкъ.
- Акъыл бла адеб эгизледиле.
- Сакъламагъан затынга джолукъсанг, не бек къууанаса, не бек ачыйса.
- «Ма», - дегенни билмесенг, «бер», - дегенни билмезсе.
- Мадар болса, къадар болур.
- Уллу къашыкъ эрин джыртар.
- Тил – миллетни джаны.
- Эки элинги тыйсанг, джети элде махталырса.
- Тилчиден кери бол.
- Тёгюлген тюгел джыйылмайды.
- Джашлыкъ этмеген, башлыкъ этмез.
- Аманнга да, игиге да оноусуз къатышма.
- Джылар джаш, атасыны сакъалы бла ойнар.
- Чомарт бергенин айтмаз.
- Ариу сёз – къылычдан джити.
- Гугук кесини атын айтыб къычыргъанча, мен, мен деб нек тураса?
- Эл ауузу – элия.
- Эрине къаргъыш этген къатын, эрнин къабар.
- Ишленмеген джаш – джюгенсиз ат, ишленмеген къыз – тузсуз хант.
- Тойну къарнашы – харс, джырны къарнашы – эжиу.
- Башы джабылгъан челекге, кир тюшмез.
- Ойнай билмеген, оюн бузар.
- Бек анасы джыламаз.
- Къолу уллу – асыу, аягъы уллу – джарсыу.
- Кечеси – аяз, кюню – къыш, джарлы къаргъагъа бир аш тюш!
- Ач да бол, токъ да бол – намысынга бек бол.
- Сёз садакъдан кючлюдю.
- Къоркъакъны кёзю экили кёрюр.
- Кёл – къызбай, къол – батыр.
- Экеу тутушса, биреу джыгъылыр.
- Эте билген, этген этеди, эте билмеген, юретген этеди!
- Гыдай эчки суугъа къараб, мюйюзле кёрмесе, джашма алкъын, дегенди.
- Ёзденликни кёбю ётюрюк.
- Арпа, будай – ащды, алтын, кюмюш а – ташды.
- Акъыл аздырмаз, билим тоздурмаз.
- Къайтырыкъ эшигинги, къаты уруб чыкъма.
- Иги сеники эсе да, сюйген кесимикин этеме.
- Тас болгъан бычакъны сабы – алтын.
- Ёлюк кебинсиз къалмаз.
- Джарлы эскисин джамаса, къууаныр.
- Къайгъыны сюйген, къайгъы табар.
- Аман къатын алгъан, арыр, иги къатын алгъан джарыр.
Профиль
|
|
|||