- Джетген къыз джерли эшекни танымаз.
- Къарт бла баш аша, джаш бла аякъ аша.
- Элде адам къалмаса, ит тахтагъа минер.
- Соргъан айыб тюлдю, билмеген айыбды.
- Джылар джаш, атасыны сакъалы бла ойнар.
- Джогъун бар этген, барын бал этген.
- Джаралыны джастыгъында сау ёлюр.
- Кёл – къызбай, къол – батыр.
- Къуру гыбыт бек дыгъырдар.
- Башы ишлегенни, ауузу да ишлер.
- Хазыр ашха – терен къашыкъ.
- Тёрдеги кюлсе, эшикдеги ышарыр.
- Аз айтсам, кёб ангылагъыз.
- Къонакъ аман болса, къонакъбай джунчур
- Кирсизни – саны таза, халалны – къаны таза.
- Хансыз джомакъ болмаз.
- Ата Джуртча джер болмаз, туугъан элча эл болмаз.
- Танг атмайма десе да, кюн къоярыкъ тюйюлдю.
- Аджал соруб келмез, келсе, къайтыб кетмез.
- Ашхы адам – халкъ байлыгъы, ашхы джер – джашау байлыгъы.
- Хар адамгъа кеси миннген тау кибик.
- Сормай – алма, чакъырылмай – барма.
- Юреннген ауруу къалмаз.
- Акъыл аздырмаз, билим тоздурмаз.
- Эшекни не къадар тюйсенг да, ат болмаз.
- Биреуню тёрюнден, кесинги эшик артынг игиди.
- Хар зат кесини орнуна иги.
- Таукелге нюр джауар.
- Къулакъдан эсе, кёзге ышан.
- Къартны сыйын кёрмеген, къартлыгъында сыйлы болмаз.
- Тойгъан антын унутур.
- Ата Джуртуму башы болмасам да, босагъасында ташы болайым.
- Къыйынлы джети элге оноу этер.
- Джан саулукъ бермей, сан саулукъ бермезсе.
- Кёлсюзден сёзсюз тууар.
- Кесинг сынамагъан затны, адамгъа буюрма.
- Тюз сёз баргъан сууну тыяр.
- Акъыл къартда, джашда тюйюлдю – башдады.
- Ариу сёз – джаннга азыкъ, аман сёз – башха къазыкъ.
- Телиге от эт десенг, юйюнге от салыр.
- Ишлегенден, къарагъан уста.
- Бир абыннган – минг сюрюнюр.
- Ашхы сёз таш тешер.
- Тешигини къатында, чычхан да батыр болур.
- Алгъанда – джууукъ, бергенде – джау.
- Ёмюрлюк шохлукъну джел элтмез.
- Хунаны тюбюн къазсанг, юсюнге ауар.
- Босагъа таш юйге кирмей эди, тыбыр таш эшикге чыкъмай эди.
- Тойгъанлыкъ къойгъа джарашады.
- Джети тилни билген джети кишиди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72