Эльбрусоид :: Форум :: Фортуна Фиделя

Ачны эсинде – аш.
Ач – эснер, ат – кишнер.
Суу да къайтады чыкъгъан джерине.
Тешигини къатында, чычхан да батыр болур.
Сормай – алма, чакъырылмай – барма.
Кёкдеги болмаса, джердегин кёрмейди.
Сютню башын джалагъан къутулур, тюбюн ичген тутулур.
Магъанасыз сёз – тауушсуз сыбызгъы.
Кюн кёрмеген, кюн кёрсе, кюндюз чыракъ джандырыр.
Суу ичген шауданынга тюкюрме.
Айтхан – тынч, этген – къыйын.
Ариу сёз – къылычдан джити.
Биреуге аманлыкъ этиб, кесинге игилик табмазса.
Элиб деген, элге болушур.
Нёгерсизни джолу узун.
Джетген къыз джерли эшекни танымаз.
Таукел адам тау тешер.
Къыйынлы джети элге оноу этер.
Ётюрюкден тюбю джокъ, кёлтюрюрге джиби джокъ.
Телини эшигин, махтау джабар.
Уллу сёзде уят джокъ.
Бастасын ашагъан, хантусун да ичер.
Суу кетер, таш къалыр.
Джаз бир кюнню джатсанг, къыш талай кюнню абынырса.
Баланы адам этген анады.
Гитче джилтин уллу элни джандырыр.
Мал ёлсе, сюек къалыр, адам ёлсе, иши къалыр.
Элни кючю – эмеген.
Экиндини кеч къылсанг, чабыб джетер ашхам.
Окъдан джара эртде-кеч болса да бителир, сёз джара, ёмюрге къалыр.
Накъырда – кертини келечиси.
Чабар ат – джетген къыз.
Эркишини аманы тиширыуну джылатыр.
Агъач халкъгъа алтынды, иссиликге салкъынды.
Иги сеники эсе да, сюйген кесимикин этеме.
Бозанг болмагъан джерге, къалагъынгы сукъма.
Кёб къычыргъандан – къоркъма, тынч олтургъандан – къоркъ.
Ауругъан – джашаудан умутчу.
Бети къызарыучу адамны, джюреги харам болмаз.
Бир онгсуз адам адет чыгъарды, деб эштирик тюлсе.
Тилчиден кери бол.
Ауурну тюбю бла, дженгилни башы бла джюрюген.
Джахил болса анасы, не билликди баласы?
Къазанны башы ачыкъ болса, итге уят керекди.
Хар ишни да аллы къыйынды.
Джаралыны джастыгъында сау ёлюр.
Джырчы ёлсе, джыры къалыр.
Бозаны арты дауур болур.
Джашынгы кесинг юретмесенг, джашау юретир.
Уясында не кёрсе, учханында аны этер.

Логин:
Пароль:
	Запомнить меня на этом компьютере

Забыли свой пароль?
Регистрация