- Ёнгкюч къууана барыр, джылай келир.
- Джетген къыз джерли эшекни танымаз.
- Джолунга кёре – джюрюшюнг, джагъанга кёре – юлюшюнг.
- Тойгъандан сора, ашны сёкме.
- Билим насыб берир, билим джолну керир.
- Билимсиз иш бармаз.
- Минг тенг да азды, бир джау да кёбдю.
- Джашынгы кесинг юретмесенг, джашау юретир.
- Ач уят къоймаз.
- Джогъун бар этген, барын бал этген.
- Сютден ауузу кюйген, суугъа юфгюре эди.
- Джюрекден джюрекге джол барды.
- Ауурну тюбю бла, дженгилни башы бла джюрюген.
- Къазанда болса, чолпугъа чыгъар.
- Танг атмайма десе да, кюн къоярыкъ тюйюлдю.
- Джаралыны джастыгъында сау ёлюр.
- Мухарны эси – ашарыкъда.
- Джашда акъыл джокъ, къартда къарыу джокъ.
- Тик ёргени, тик энгишгеси да болады.
- Эринчекни эр алмаз, эр алса да, кёл салмаз, кёл салса да, кёб бармаз!
- Аман эсирсе, юйюн ояр.
- Шекер бла туз – бир болмаз, ушамагъан – юй болмаз.
- Кюн – узун, ёмюр – къысха.
- Ата – билек, ана – джюрек!
- Окъ къызбайны джокълайды.
- Айранын берсенг, челегин да къызгъанма.
- Келлик заман – къартлыкъ келтирир, кетген заман – джашлыкъ ёлтюрюр.
- Бозанг болмагъан джерге, къалагъынгы сукъма.
- Ойнаб айтсанг да, эслеб айт.
- Чабакъсыз кёлге къармакъ салгъанлыкъгъа, чабакъ тутмазса.
- Сибиртки да сыйлы болду, кюрек да кюнлю болду.
- Адам къаллай бир ишленмесе, аллай бир кесин уллу кёреди.
- Кийимни бичсенг, кенг бич, тар этген къыйын тюлдю.
- Алим болгъандан эсе, адам болгъан къыйынды.
- Чомарт бергенин айтмаз.
- Биреуню тёрюнден, кесинги эшик артынг игиди.
- Экеулен сёлеше тура эселе, орталарына барыб кирме.
- Къазанны башы ачыкъ болса, итге уят керекди.
- Аш берме да, къаш бер.
- Хата – гитчеден.
- Ёлген аслан – сау чычхан.
- Эл бла кёргенинг эрелей.
- Келинни – келгинчи, бёркню кийгинчи кёр.
- Чомартха хар кюн да байрамды.
- Къарт бла баш аша, джаш бла аякъ аша.
- Кийим тукъум сордурур.
- Ойнай билмеген, уруб къачар.
- Ата Джуртча джер болмаз, туугъан элча эл болмаз.
- Акъыл неден да кючлюдю.
- «Ма», - дегенни билмесенг, «бер», - дегенни билмезсе.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72