Эльбрусоид :: Форум :: Зукку Пристоп

Ёлмесенг да, къарт дамы болмазса?
Айырылгъанланы айю ашар, бёлюннгенлени бёрю ашар.
Джангызны оту джарыкъ джанмаз!
Керек ташны ауурлугъу джокъ.
Тойгъанлыкъ къойгъа джарашады.
Ётюрюкню къуйругъу – бир тутум.
Магъанасыз сёз – тауушсуз сыбызгъы.
Бозанг болмагъан джерге, къалагъынгы сукъма.
Юй кюйдю да, кюйюз чыкъды, ортасындан тюйюш чыкъды.
Баргъанынга кёре болур келгенинг.
Шайтан алдады, тюзлюк къаргъады.
Мадар болса, къадар болур.
Ач, тоймам, дейди, тойгъан, ач болмам, дейди.
Къыз тиширыу кеси юйюнде да къонакъды.
Адебни адебсизден юрен.
Тойгъандан сора, ашны сёкме.
Аманнга игилик этсенг, юйюнге сау бармазса.
Ана кёлю – балада, бала кёлю – талада.
Азыкълы ат арымаз, къатыны аман джарымаз.
Биреуге аманлыкъ этиб, кесинге игилик табмазса.
Гугурук къычырмаса да, тангны атары къалмаз.
Уллу атлама – абынырса, уллу къабма – къарылырса.
Ханнга да келеди хариблик.
Телиге от эт десенг, юйюнге от салыр.
Тойгъан джерден туугъан джер игиди.
Аш хазыр болса, иш харам болур.
Ашаса, ашамаса да, бёрюню ауузу – къан.
Къозулугъунда тоймагъан, къойлугъунда тоймаз.
Ачылгъан эт джабылыр, кёрген кёз унутмаз.
Мураты болгъанны джюрек тебюую башхады.
Иги бла джюрюсенг, джетерсе муратынга, аман бла джюрюсенг, къалырса уятха.
Эллинг бла джау болсанг да, юйюнг бла джау болма.
Къар – келтирди, суу – элтди.
Ачны эсинде – аш.
Джаханимни кёрмей, джандетге кёл салмазса.
Эл бла кёргенинг эрелей.
Хар зат кесини орнуна иги.
Тюзлюк шохлукъну бегитир.
Халкъны джырын джырласанг, халкъ санга эжиу этер.
Эл элде бирер малынг болгъандан эсе, бирер тенгинг болсун.
Мал ёлсе, сюек къалыр, адам ёлсе, иши къалыр.
Сабий кёргенин унутмаз.
Уллу къашыкъ эрин джыртар.
Агъач – джерни чырайы, кийим – эрни чырайы.
Ата Джуртун танымагъан, атасын да танымаз.
Уясында не кёрсе, учханында аны этер.
Билими азны – ауузунда кирит.
Мени джылытмагъан кюн, меннге тиймесин!
Кийим тукъум сордурур.
Ата Джуртча джер болмаз, туугъан элча эл болмаз.

Логин:
Пароль:
	Запомнить меня на этом компьютере

Забыли свой пароль?
Регистрация