- Аууздан келген, къолдан келсе, ким да патчах болур эди.
- Ашатыргъа иш – ашхы, ишлетирге аш – ашхы.
- Ач уят къоймаз.
- Иши джокъну, сыйы джокъ.
- Кёзден кетген, кёлден да кетеди.
- Ариу – кёзге, акъыл – джюрекге.
- Рысхысына кёре, джаш ёсер, къышлыгъына кёре, мал ёсер.
- Кёл – къызбай, къол – батыр.
- Айтылгъан сёз ызына къайтмаз.
- Бичгенде ашыкъма, тикгенде ашыкъ.
- Тили узунну, намысы – къысха.
- Айранны сюйген, ийнек тутар.
- Адам къыйынлыгъын кёлтюрюр, зауукълугъун кёлтюрмез.
- Джарлы джети элни сёзюн этер.
- Аман адам этегингден тутса, кес да къач.
- Керти сёзге тёре джокъ.
- Орну джокъну – сыйы джокъ.
- Аууз сакълагъан – джан сакълар.
- Керилген да, ургъан кибикди.
- Ауругъан – джашаудан умутчу.
- Атынг аманнга чыкъгъандан эсе, джанынг тамагъынгдан чыкъсын.
- Миллетни бойну – базыкъ, аны бла кюрешген – джазыкъ.
- Ётюрюкню къуйругъу – бир тутум.
- Джыйырма къойну юч джыйырма эбзе кюте эди.
- Сабий болмагъан джерде, мёлек болмаз.
- Адебсиз адам – джюгенсиз ат.
- Таукел адам тау тешер.
- Аман киши кеси юйюнде – къонакъ.
- Термилгенинги табмазса, кюлгенинге тюберсе.
- Чомарт къонакъ юй иесин сыйлар.
- Атлыны кёрсе, джаяуну буту талыр.
- Бозаны арты дауур болур.
- Малны кют, джерни тюрт.
- Ариу джол аджал келтирмез.
- Ханы къызы буюгъа-буюгъа киштик болду.
- Тойгъанлыкъ къойгъа джарашады.
- Борчунг бар эсе, хурджунунга ойлаб узал.
- Эринчекни эр алмаз, эр алса да, кёл салмаз, кёл салса да, кёб бармаз!
- Аманнга да, игиге да оноусуз къатышма.
- Билимсиз иш бармаз.
- Тешик этген тынчды, аны джамагъан къыйынды.
- Уллу айтханны этмеген – уллаймаз.
- Ауругъаннга – кийик саулукъ, джетген къызгъа – чилле джаулукъ.
- Рысхы – насыбха къор.
- Аманны эки битли тону болур, бирин сеннге кийдирир, бирин кеси киер.
- Окъугъан озар, окъумагъан тозар.
- Джарлы эскисин джамаса, къууаныр.
- Къумурсхала джыйылсала, пилни да джыгъадыла.
- Кютгени беш эчки, сызгъыргъаны уа, джерни джарады.
- Огъурлуну сёзю – суу, огъурсузну сёзю – уу.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72