Эльбрусоид :: Форум

Тик ёргени, тик энгишгеси да болады.
Чарсда алчыны эл кёреди.
Ётюрюкню башын керти кесер.
Экиндини кеч къылсанг, чабыб джетер ашхам.
Юйюнгден чыкъдынг – кюнюнгден чыкъдынг.
Джумушакъ терекни къурт ашар.
Уллу айтханны этмеген – уллаймаз.
Суу да къайтады чыкъгъан джерине.
Бозанг болмагъан джерге, къалагъынгы сукъма.
Мухар, кеси тойса да, кёзю тоймаз.
Тойчу джашха къарама, къойчу джашха къара.
Адам туугъан джеринде, ит тойгъан джеринде.
Гыдай эчки суугъа къараб, мюйюзле кёрмесе, джашма алкъын, дегенди.
Билген билмегенни юретген адетди.
Ишге юренсин къоллары, халкъ бла болсун джоллары.
Эрине къаргъыш этген къатын, эрнин къабар.
Къарт бла баш аша, джаш бла аякъ аша.
Джарлы джети элни сёзюн этер.
Эрни эр этерик да, къара джер этерик да, тиширыуду.
Сагъыш – къартлыкъгъа сюйюмчю.
Къазанны башы ачыкъ болса, итге уят керекди.
Ата – билек, ана – джюрек!
Таугъа чыгъаллыкъ эсенг, тюзде къалма.
Келинин тута билмеген, къул этер, къызын тута билмеген, тул этер.
Ёлюр джаннга, ёкюл джокъ.
Сакъламагъан затынга джолукъсанг, не бек къууанаса, не бек ачыйса.
Къатыны харакетли болса, эри къымсыз болур.
Игини сыйлагъан адетди.
Иши джокъну, сыйы джокъ.
Дуния мал дунияда къалады.
Таукелге нюр джауар.
Кёб джашагъан – кёб билир.
Махтаннган къыз, тойда джукълар.
Ёмюрлюк шохлукъну джел элтмез.
Къуллукъчума, деб махтанма, къуллукъ – хаух джамчыды!
Адамны аманы адамны бети бла ойнар.
Байны оноуу, джарлыгъа джарамаз.
Магъанасыз сёз – тауушсуз сыбызгъы.
Тёгюлген тюгел джыйылмайды.
Насыб бютеу халкъны юлюшюдю.
Ётюрюкню къуйругъу – бир тутум.
Бек ашыкъгъан меннге джетсин, дегенди аракъы.
Эри аманны, къатыны – аман.
Чомартха хар кюн да байрамды.
Аман киши кеси юйюнде – къонакъ.
Ач келгенни – тойдур, кеч келгенни – къондур.
Сормай – алма, чакъырылмай – барма.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Джол бла сёзню къыйыры джокъ.
Кюлме джашха – келир башха.

Логин:
Пароль:
	Запомнить меня на этом компьютере

Забыли свой пароль?
Регистрация