- Аман адамны тепсинге олтуртсанг, къызынгы тилер.
- Къулакъдан эсе, кёзге ышан.
- Ётюрюкню башын керти кесер.
- Чабар ат – джетген къыз.
- Телини эшигин, махтау джабар.
- Ким бла джюрюсенг, аны кёзю бла кёрюнюрсе.
- Тамчы таш тешер.
- Джарлы эскисин джамаса, къууаныр.
- Ойнай билмеген, уруб къачар.
- Бозанг болмагъан джерге, къалагъынгы сукъма.
- Тойгъан джерге джети къайт.
- Сагъышы джокъ – джукъучу, акъылы джокъ – къаугъачы.
- Чомарт бергенин айтмаз.
- Ашыкъгъан cуу, тенгизге джетмез.
- Огъурлуну сёзю – суу, огъурсузну сёзю – уу.
- Бетинги сатма, малынгы сат.
- Эр абынмай, эл танымаз.
- Ётген ёмюр – акъгъан суу.
- Башы ишлегенни, ауузу да ишлер.
- Эки къатын алгъан – эки ташны ортасына башын салгъан.
- Тюкюрюк баш джармаз, налат кёз чыгъармаз!
- Къолу уллу – асыу, аягъы уллу – джарсыу.
- Джиби бир къат джетмей эди да, эки къат тарта эди.
- Байлыкъ тауусулур, билим тауусулмаз.
- Аманнга алтын чыдамаз.
- Къарнынг тойгъунчу аша да, белинг талгъынчы ишле.
- Тойгъан джерден туугъан джер игиди.
- Чомарт джарлы болмаз.
- Телиге акъыл салгъандан эсе, ёлгеннге джан салырса.
- Кёлсюзден сёзсюз тууар.
- Айраннга суу къош, телиге джол бош.
- Алгъанда – джууукъ, бергенде – джау.
- Чыкълы кюнде чыкъмагъан, чыкъса къуру кирмеген.
- Тин – байлыгъынг, терен саулугъунг.
- Ач уят къоймаз.
- Ёксюзню тилеги къабыл болур.
- Къазанда болса, чолпугъа чыгъар.
- Аманны къуугъан, аманлыкъ табар.
- Урама да – ёледи, сатама да – келеди.
- Юйюнгден чыкъдынг – кюнюнгден чыкъдынг.
- Аз сёлеш, кёб ишле.
- Байдан умут эте, джарлыдан ёгюз багъасы къорады.
- Таукел адам тау тешер.
- Аллахдан тилесенг, кёб тиле.
- Босагъагъа джууукъ орун болса, ашыгъыб тёрге озма.
- Ариу сёз аурууунгу алыр.
- Уллу сёлешме да, уллу къаб.
- Къызны минг тилер, бир алыр.
- Джолунга кёре – джюрюшюнг, джагъанга кёре – юлюшюнг.
- Билимден уллу байлыкъ джокъду.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72