- Тамчы таш тешер.
- Айыбны суу бла джууалмазса.
- Адамны сабийин сюйген джюреги, бычакъча, джитиди.
- Байлыкъ тауусулур, билим тауусулмаз.
- Айтылгъан буйрукъ, сёгюлмез
- Сормай – алма, чакъырылмай – барма.
- Адебсиз адам – джюгенсиз ат.
- Сангырау къулакъ эл бузар.
- Сабий кёргенин унутмаз.
- Тынгылагъан тынгы бузар.
- Ариу сёзде ауруу джокъ.
- Ашха уста, юйюнде болсун
- Миллетни бойну – базыкъ, аны бла кюрешген – джазыкъ.
- Къыз тиширыу кеси юйюнде да къонакъды.
- Къыз чыгъаргъан – къызыл къымжа.
- Къозулугъунда тоймагъан, къойлугъунда тоймаз.
- Уллу сёзде уят джокъ.
- Суугъа – чабакъ, къаягъа – ыргъакъ.
- Нёгер болсанг, тенг бол, тенг болмасанг, кенг бол.
- Адебни адебсизден юрен.
- Ат да турмайды бир териде.
- Тойгъан джерден туугъан джер игиди.
- Ёлген эшек бёрюден къоркъмайды.
- Дуния малгъа сатылма, кесингден телиге къатылма.
- Джыгъылгъанны сырты джерден тоймаз.
- Окъ къызбайны джокълайды.
- Берекет берсин деген джерде, берекет болур.
- Айырылмаз джууугъунга, унутмаз сёзню айтма.
- Джашынгы кесинг юретмесенг, джашау юретир.
- Кёкдеги болмаса, джердегин кёрмейди.
- Къызбайны юйюне дери сюрсенг, батыр болур.
- Ана къолу ачытмаз.
- Алтыда кюлмеген, алтмышда кюлмез.
- Къайгъы тюбю – тенгиз.
- Тулпарлыкъ, билекден тюл – джюрекден.
- Ышармагъан – кюлмез, кюлмеген – къууанчны билмез.
- Адамны джюреги нени кёрюрге сюйсе, кёзю да аны кёрюрге ёч болады.
- Юре билмеген ит, къонакъ келтирир.
- Къарт бла баш аша, джаш бла аякъ аша.
- Тенгни тенглиги джашай барсанг билинир.
- Кесинге джетмегенни, кёб сёлешме.
- Къулакъдан эсе, кёзге ышан.
- Аз сёлеш, кёб ишле.
- Кийимни бир кюнню аясанг, минг кюннге джарар.
- Билимли ёлмез, билимсиз кёрмез.
- Ашхы сёз таш тешер.
- Ашыкъгъанны этеги бутуна чырмалыр.
- Ач къалгъандан, кеч къалгъан къолай.
- Къан бла кирген, джан бла чыгъар.
- Ишленмеген джаш – джюгенсиз ат, ишленмеген къыз – тузсуз хант.
Профиль
|
|
|||