- Керти сёзге тёре джокъ.
- Кийиминг бла танылма, адамлыкъ бла таныл.
- Иги сёз – джаннга азыкъ, аман сёз башха – къазыкъ.
- Джетген къыз джерли эшекни танымаз.
- Окъ къызбайны джокълайды.
- Адам къыйынлыгъын кёлтюрюр, зауукълугъун кёлтюрмез.
- Ач бёрюге мекям джокъ.
- Ауурну тюбю бла, дженгилни башы бла джюрюген.
- Чалманны аллы къалай башланса, арты да алай барады.
- Къолу уллу – асыу, аягъы уллу – джарсыу.
- Ач да бол, токъ да бол – намысынга бек бол.
- Байны оноуу, джарлыгъа джарамаз.
- Бир онгсуз адам адет чыгъарды, деб эштирик тюлсе.
- Телиге акъыл салгъандан эсе, ёлгеннге джан салырса.
- Билим насыб берир, билим джолну керир.
- Тил – миллетни джаны.
- Сакъламагъан затынга джолукъсанг, не бек къууанаса, не бек ачыйса.
- Ата Джуртча джер болмаз, туугъан элча эл болмаз.
- Эте билген, этген этеди, эте билмеген, юретген этеди!
- Башынга джетмегенни сорма.
- Айран ичген – къутулду, джугъусун джалагъан – тутулду.
- Ариу джол аджал келтирмез.
- Акъыл аздырмаз, билим тоздурмаз.
- Халкъгъа джарагъан, джарлы къалмаз.
- Ишлерге уял да, ашаргъа табма.
- Ашыкъгъанны этеги бутуна чырмалыр.
- Иши джокъну, сыйы джокъ.
- Джангыз торгъай джырламаз.
- Иги джашны ышаны – аз сёлешиб, кёб тынгылар.
- Ач келгенни – тойдур, кеч келгенни – къондур.
- Аман къатын алгъан, арыр, иги къатын алгъан джарыр.
- Сыфатында болмагъаны, суратында болмаз.
- Джуртун къоругъан озар.
- Джахил болса анасы, не билликди баласы?
- Чабакъгъа акъыл, табагъа тюшсе келеди.
- Ханы къызы буюгъа-буюгъа киштик болду.
- Джауумдан сора, кюн кюйдюрюр, ётюрюкден сора, айыб кюйдюрюр.
- Билимден уллу байлыкъ джокъду.
- Сёз садакъдан кючлюдю.
- Билимли ёлмез, билимсиз кёрмез.
- Къууут – джелге, берне – бошха.
- Иги болса, тамадама – махтау, аман болса, меннге – айыб.
- Тил – кесген бычакъ, сёз – атылгъан окъ.
- Ашха уста, юйюнде болсун
- Кенгеш болса, уруш болмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джиби бир къат джетмей эди да, эки къат тарта эди.
- Тынгылагъан тынгы бузар.
- Адебсиз адам – джюгенсиз ат.
- Абынмазлыкъ аякъ джокъ, джангылмазлыкъ джаякъ джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72