- Таукелге нюр джауар.
- Элде адам къалмаса, ит тахтагъа минер.
- Тюзлюк шохлукъну бегитир.
- Кийимни бичсенг, кенг бич, тар этген къыйын тюлдю.
- Ёгюзню мюйюзлери ауурлукъ этмейдиле.
- Кесинг сынамагъан затны, адамгъа буюрма.
- Тойгъан джерден туугъан джер игиди.
- Атадан ёксюз – бир ёксюз, анадан ёксюз – эки ёксюз.
- Ачлыкъда тары гырджын халыуадан татлы.
- Алтыннга тот къонмаз.
- Ашыкъгъанны этеги бутуна чырмалыр.
- Арба аугъандан сора, джол кёргюзтюучю кёб болур.
- Къонакъ хазыр болгъанлыкъгъа, къонакъбай хазыр тюлдю.
- Джарашыу сюйген – джалынчакъ.
- Кёл – къызбай, къол – батыр.
- Джуртун къоругъан озар.
- Кечеси – аяз, кюню – къыш, джарлы къаргъагъа бир аш тюш!
- Айран ичген – къутулду, джугъусун джалагъан – тутулду.
- Ашда – бёрю, ишде – ёлю.
- Аллахдан тилесенг, кёб тиле.
- Сибиртки да сыйлы болду, кюрек да кюнлю болду.
- Акъыл къартда, джашда тюйюлдю – башдады.
- Ёнгкюч къууана барыр, джылай келир.
- Кёлсюзден сёзсюз тууар.
- Агъач – джерни чырайы, кийим – эрни чырайы.
- Туз, гырджын аша, тюзлюк бла джаша.
- Тёрдеги кюлсе, эшикдеги ышарыр.
- Накъырда – кертини келечиси.
- Ишге юренсин къоллары, халкъ бла болсун джоллары.
- Сабыр джетер муратха, сабырсыз къалыр уятха.
- Тыш элде солтан болгъандан эсе, кесинги элде олтан болгъан игиди!
- Хантына кёре тузу, юйюне кёре къызы.
- Борчунг бар эсе, хурджунунга ойлаб узал.
- Аманны къуугъан, аманлыкъ табар.
- Джарлы эскисин джамаса, къууаныр.
- Адебсиз адам – джюгенсиз ат.
- Къыз тиширыу кеси юйюнде да къонакъды.
- Кийимни бир кюнню аясанг, минг кюннге джарар.
- Джашынгы кесинг юретмесенг, джашау юретир.
- Баргъанынга кёре болур келгенинг.
- Экиндини кеч къылсанг, чабыб джетер ашхам.
- Биреуге кёлтюрген таягъынг, кесинги башынга урур.
- Ариу сёз джыланны орнундан чыгъарыр.
- Уллу сёзде уят джокъ.
- Сакъалы текени да бар, мыйыгъы киштикни да бар.
- Къартха ушагъан джаш – акъыллы, джашха ушагъан къарт – тели.
- Акъылсызны джууукъгъа алма, акъыллыны кенгнге салма.
- Ишни ахырын ойламай, аллын башлама.
- Татлы тилде – сёз ариу, чемер къолда – иш ариу.
- Окъугъан – асыу, окъумагъан – джарсыу.
Профиль
|
Муза
 Эльбрусоид
Cообщений: 138
Баллов: 112
Регистрация: 16.12.2011
Последний визит: 20.08.2017 21:17:02
|
|
||||
|
|
|
||||