- Азыгъы аз, алгъа къабар, аты аман, алгъа чабар.
- Урунуу – насыбны анасы.
- Джаш къарыу бла кючлю, къарт акъыл бла кючлю.
- Юре билмеген ит, къонакъ келтирир.
- Къарт болгъан джерде, берекет болур, сабий болгъан джерде, оюн болур.
- Къайгъы тюбю – тенгиз.
- Эки итни арасына сюек атма, эки адамны арасында сёз чыгъарма.
- Асхат ашлыкъ сата, юйдегиси ачдан къата.
- Ат да турмайды бир териде.
- Эл бла кёргенинг эрелей.
- Иги сеники эсе да, сюйген кесимикин этеме.
- Джолда аягъынга сакъ бол, ушакъда тилинге сакъ бол.
- Арба аугъандан сора, джол кёргюзтюучю кёб болур.
- От этилмеген джерден тютюн чыкъмайды.
- Аш кетер да бет къалыр.
- Къарнынг тойгъунчу аша да, белинг талгъынчы ишле.
- Хар сёзню орну барды.
- Бети – къучакълар, джюреги – бычакълар.
- Ариуну – ауруу кёб.
- Агъач – джерни чырайы, кийим – эрни чырайы.
- Нёгер болсанг, тенг бол, тенг болмасанг, кенг бол.
- Таукелге нюр джауар.
- Джарлы тюеге минсе да, ит къабар.
- Таукел тауну аудурур.
- Ушамагъан – джукъмаз.
- Тойгъан джерге джети къайт.
- Ишлегенден, къарагъан уста.
- Бир онгсуз адам адет чыгъарды, деб эштирик тюлсе.
- Тёзген – тёш ашар!
- Адеб джокъда, намыс джокъ.
- Къарнынг бла ёч алма.
- Аман адам этегингден тутса, кес да къач.
- Соргъан айыб тюлдю, билмеген айыбды.
- Аманнга да, игиге да оноусуз къатышма.
- Таукел къуру къалмаз.
- Атлыны кёрсе, джаяуну буту талыр.
- Къралынгы – душмандан, башынгы от бла суудан сакъла.
- Билим ат болуб да чабар, къуш болуб да учар.
- Эки ойлашыб, бир сёлешген.
- Зар адам ашынгы ашар, кесинги сатар.
- Эл тойса, тоймагъан, эл къойса, къоймагъан.
- Таула не мийик болсала да, аууш табылыр.
- Сёз къанатсыз учар.
- Зарда марда джокъ.
- Къарт бла баш аша, джаш бла аякъ аша.
- Айтылгъан сёз ызына къайтмаз.
- Ишни аллы бла къууанма да, арты бла къууан.
- Башсыз урчукъ тюзюне айланмаз.
- Адамны сабийин сюйген джюреги, бычакъча, джитиди.
- Эки элинги тыйсанг, джети элде махталырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72