- Билим насыб берир, билим джолну керир.
- Илму – джашауну джолу.
- Харам къарнашдан, халал тенг ашхы.
- Ач къарным, тынч къулагъым.
- Эли джокъну – кёлю джокъ.
- Тас болгъан бычакъны сабы – алтын.
- Тёрени джагъы джокъ.
- Къуру гыбыт бек дыгъырдар.
- Къыйынлы джети элни къайгъысын этер.
- Кёбню кёрген – кёб билир.
- Телини эшигин, махтау джабар.
- Билим ат болуб да чабар, къуш болуб да учар.
- Келинин тута билмеген, къул этер, къызын тута билмеген, тул этер.
- Уллу айтханны этмеген – уллаймаз.
- Ашхы сёз таш тешер.
- Айтхан сёзюне табылгъан.
- Джарлыны тону джаз битер.
- Хар адамгъа кеси миннген тау кибик.
- Джукъу тёшек сайламайды.
- Къарнынг къанлынга кийирир.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ёмюрлюк шохлукъну джел элтмез.
- Джыланны къуйругъундан басарынг келсе, аны башы болгъанын унутма.
- Нарт сёз къарт болмаз.
- Сабийни джумушха джибер да, ызындан бар.
- Джуртун къоругъан озар.
- Тешик этген тынчды, аны джамагъан къыйынды.
- Тил – кесген бычакъ, сёз – атылгъан окъ.
- Бёрю да ач къалмасын, эчки да ашалмасын.
- Билимсиз иш бармаз.
- От этилмеген джерден тютюн чыкъмайды.
- Чарсда алчыны эл кёреди.
- Джолда аягъынга сакъ бол, ушакъда тилинге сакъ бол.
- Иги – алгъыш этер, аман – къаргъыш этер.
- Сёз къанатсыз учар.
- Билеги кючлю, бирни джыгъар, билими кючлю, мингни джыгъар.
- Адам къаллай бир ишленмесе, аллай бир кесин уллу кёреди.
- Чабакъгъа акъыл, табагъа тюшсе келеди.
- Билмегенинги, билгеннге сор.
- Алтыннга тот къонмаз.
- Ата Джуртча джер болмаз, туугъан элча эл болмаз.
- Тыш элде солтан болгъандан эсе, кесинги элде олтан болгъан игиди!
- Джюрекге ариу – кёзге да ариу.
- Аджал соруб келмез, келсе, къайтыб кетмез.
- Азыкълы ат арымаз, къатыны аман джарымаз.
- Адамны джюреги нени кёрюрге сюйсе, кёзю да аны кёрюрге ёч болады.
- Иесиз малны бёрю ашар.
- Эринчекни эр алмаз, эр алса да, кёл салмаз, кёл салса да, кёб бармаз!
- Джарлы тюеге минсе да, ит къабар.
- Эл ауузу – элек, анга ийнаннган – халек.
Профиль
|
|
|
|||