- Ётюрюкню башын керти кесер.
- Тюкюрюк баш джармаз, налат кёз чыгъармаз!
- Билген билмегенни юретген адетди.
- Джахил болса анасы, не билликди баласы?
- Эки элинги тыйсанг, джети элде махталырса.
- Сагъыш – къартлыкъгъа сюйюмчю.
- Халкъны джырын джырласанг, халкъ санга эжиу этер.
- Аманны къуугъан, аманлыкъ табар.
- Уллу айтханны этмеген – уллаймаз.
- Дженгил джетерикме деб, узун джолну къоюб, къысхасын барма.
- Билмегенинги, билгеннге сор.
- Акъыллы – эл иеси, тели – эл баласы.
- Къазанда болса, чолпугъа чыгъар.
- Тойгъанлыкъ къойгъа джарашады.
- Ачыкъ джюрекге джол – ачыкъ.
- Сакъламагъан затынга джолукъсанг, не бек къууанаса, не бек ачыйса.
- Ашхы тенг джолгъа салыр, аман тенг джолдан тайдырыр.
- Терслик кетер, тюзлюк джетер.
- Юй ишлеген балта эшикде къалыр.
- Кёлю джокъну – джолу джокъ.
- Эртде тургъан джылкъычыны эркек аты тай табар.
- Борчунг бар эсе, хурджунунга ойлаб узал.
- Кесинг сынамагъан затны, адамгъа буюрма.
- Джырчы ёлсе, джыры къалыр.
- Накъырда – кертини келечиси.
- Алгъанда – джууукъ, бергенде – джау.
- Билимден уллу байлыкъ джокъду.
- Келинни – келгинчи, бёркню кийгинчи кёр.
- Айран тёгюлсе, джугъусу къалыр.
- Битмегеннге сакъал – танг.
- Ариу сёз джыланны орнундан чыгъарыр.
- Ётюрюкню къуйругъу – бир тутум.
- Эр сокъур болсун, къатын тилсиз болсун.
- Чомартны къолу берекет.
- Тиширыусуз юй – отсуз от джагъа.
- Иги адамны бир сёзю эки болмаз.
- Башланнган иш битер, къымылдагъан тиш тюшер.
- Тели турса – той бузар.
- Чомарт къонакъ юй иесин сыйлар.
- Ашхы болсанг, атынг чыгъар, аман болсанг, джанынг чыгъар.
- Ата джурт – алтын бешик.
- Кёзю сокъурдан – къоркъма, кёлю сокъурдан – къоркъ.
- Сёз къанатсыз учар.
- Тёрени джагъы джокъ.
- Минг тенг да азды, бир джау да кёбдю.
- Къарт болгъан джерде, берекет болур, сабий болгъан джерде, оюн болур.
- Аз айтсам, кёб ангылагъыз.
- Тик ёргени, тик энгишгеси да болады.
- Насыблы элин сюер, насыбсыз кесин сюер.
- Эски джаугъа ышанма.
Parse error: syntax error, unexpected 'array' (T_ARRAY) in /data/vhosts/elbrusoid.org/htdocs/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72