- Мал кёб болса, джууукъ кёб болур.
- Къулакъдан эсе, кёзге ышан.
- Аманны къуугъан, аманлыкъ табар.
- Эшекге миннген – биринчи айыб, андан джыгъылгъан – экинчи айыб.
- Билмезни кёзю кёрмез, этмезни къулагъы эшитмез.
- Соргъан айыб тюлдю, билмеген айыбды.
- Къарнынг тойгъунчу аша да, белинг талгъынчы ишле.
- Хунаны тюбюн къазсанг, юсюнге ауар.
- Чоюнну башы ачыкъ болса, итге уят керекди.
- Кёл ашады да, кеси ашады.
- Кёз – сюйген джерде, къол – ауругъан джерде.
- Эм уллу байлыкъ – джан саулукъ.
- Аман эсирсе, юйюн ояр.
- Ариу сёз – къылычдан джити.
- Джашлыкъ этмеген, башлыкъ этмез.
- Тёгюлген тюгел джыйылмайды.
- Баланы адам этген анады.
- Ариу джол аджал келтирмез.
- Эл ауузу – элек, анга ийнаннган – халек.
- Джарашыу сюйген – джалынчакъ.
- Бети бедерден, намыс сакълама.
- Нёгерсизни джолу узун.
- Ашхы болсанг, атынг чыгъар, аман болсанг, джанынг чыгъар.
- Окъуу – билимни ачхычы, окъуу – дунияны бачхычы.
- Тил – миллетни джаны.
- Бет бетге къараса, бет да джерге къарар.
- Этек чакъмакълары баш джаргъан, сёлешген сёзлери таш джаргъан.
- Сууда джау джокъ, кёб сёзде магъана джокъ.
- Окъугъан озар, окъумагъан тозар.
- Ёпкелегенни ашы татлы болады.
- Джукъу тёшек сайламайды.
- Окъ къызбайны джокълайды.
- Дууулдаса – бал чибин, къонса – къара чибин.
- Айранны сюйген, ийнек тутар.
- Суу ичген шауданынга тюкюрме.
- Насыблы элин сюер, насыбсыз кесин сюер.
- Джылар джаш, атасыны сакъалы бла ойнар.
- Кёб джашагъан – кёб билир.
- Айран ичген – къутулду, джугъусун джалагъан – тутулду.
- Тамбла алтындан бюгюн багъыр ашхы.
- «Ёгюз, джаргъа джууукъ барма, меннге джюк боллукъса», - дегенди эшек.
- Ойнаб айтсанг да, эслеб айт.
- Джети тилни билген джети кишиди.
- Иши джокъну, сыйы джокъ.
- Ариу сёз джыланны орнундан чыгъарыр.
- Кюн кёрмеген, кюн кёрсе, кюндюз чыракъ джандырыр.
- Тели турса – той бузар.
- Джангыз терек къынгыр ёсер.
- Кийиминг бла танылма, адамлыкъ бла таныл.
- Джерни букъусу кёкге къонмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72