- Нёгер болсанг, тенг бол, тенг болмасанг, кенг бол.
- Аман къатын алгъан, арыр, иги къатын алгъан джарыр.
- Аманнга игилик этсенг, юйюнге сау бармазса.
- Хазыр ашха – терен къашыкъ.
- Кёпюр салгъан кеси ётер, уру къазгъан кеси кетер.
- Къонагъы джокъну – шоху джокъ.
- Ач уят къоймаз.
- Билмегенинги, билгеннге сор.
- Байма, деб да, къууанма, джарлыма, деб да, джылама.
- Окъугъанны бети джарыкъ.
- Бал ашаргъа сюе эсенг, чибин ургъаннга тёз.
- Эри аманны, къатыны – аман.
- Этим кетсе да, сюегим къалыр.
- Къызбайны юйюне дери сюрсенг, батыр болур.
- Джырына кёре эжиую.
- Ётюрюкню башын керти кесер.
- Бозаны арты дауур болур.
- Ёксюзню тилеги къабыл болур.
- Адеб джокъда, намыс джокъ.
- Айраннга суу къош, телиге джол бош.
- Иги сёз – джаннга азыкъ, аман сёз башха – къазыкъ.
- Къарт айтханны этмеген, къартаймаз.
- Айтхан – тынч, этген – къыйын.
- Ишленмеген джаш – джюгенсиз ат, ишленмеген къыз – тузсуз хант.
- Мураты болгъанны джюрек тебюую башхады.
- Эринчекни эр алмаз, эр алса да, кёл салмаз, кёл салса да, кёб бармаз!
- Нафысынгы айтханын этме, намысынгы айтханын эт.
- Берекет берсин деген джерде, берекет болур.
- Дженгил джетерикме деб, узун джолну къоюб, къысхасын барма.
- Мени джылытмагъан кюн, меннге тиймесин!
- Биреу къой излей, биреу той излей.
- Башсыз урчукъ тюзюне айланмаз.
- Къыз чыгъаргъан – къызыл къымжа.
- Кеси юйюмде мен да ханма.
- Къарын къуру болса, джюрек уру болур.
- Арбаз къынгырды да, ийнек сауалмайма.
- Аман къатын сабий табса, бий болур…
- Ариу сёз – джаннга азыкъ, аман сёз – башха къазыкъ.
- Тенги кёбню джау алмаз, акъылы кёбню дау алмаз.
- Ишни аллы бла къууанма да, арты бла къууан.
- Адамны сабийин сюйген джюреги, бычакъча, джитиди.
- Кийим тукъум сордурур.
- Къарнынг ауруса, ауузунгу тый
- Акъыл неден да кючлюдю.
- Гырджын – тепсини тамадасы.
- Ёгюзню мюйюзюнден тутадыла, адамны сёзюнден тутадыла.
- Окъуу – билимни ачхычы, окъуу – дунияны бачхычы.
- Айырылгъанланы айю ашар, бёлюннгенлени бёрю ашар.
- Ата – баланы уясы.
- Ышармагъан – кюлмез, кюлмеген – къууанчны билмез.
КЪАРАЧАЙ-МАЛКЪАР БАСМАДАН
Ответы
04.11.2010 04:53:05
Tinibek
Бек сау бол бу материалланы форумгъа сала баргъанынг ючюн. Ана тилде джазылгъанны хазна адам окъуй да болмаз, алай болса да, бир талай адам окъуса да, хайырды. |
|
|
|
06.11.2010 00:59:32
|
|
|
|
13.11.2010 03:44:25
http://www.smikbr.ru/2010/zaman/11/12.pdf
"Заман" газетни экинчи бетинде Атабийланы Халиматха "КЧР-ни сыйлы художниги" ат аталгъаны айтылады. Халиматны къарнашлары, эгечлери - бары да айтылгъан, фахмулу адамладыла. |
|
|
|
13.11.2010 05:26:33
Tinibek
As-salam! Bek sau bol. Zamandan algan tinchirak bolur, Karacay gazetden ese. |
|
|
|
13.11.2010 06:08:15
Sabr
Алейкум Салам Сабр Кесими окурум келип, алай салдым Заман тынчты, хаман copy paste етилип калады. |
|
|
|
18.11.2010 23:19:58
http://www.smikbr.ru/2010/zaman/11/18.pdf
"Заман" газетни ючюнчю бетинде эки иги макале басмаланады: 1.Сахнаны чынтты джулдузу; 2.Суратларында нарт эпосну джигитлери. |
|
|
|
23.11.2010 22:45:36
http://www.smikbr.ru/2010/zaman/11/23.pdf
"Заман" газетни бюгюн чыкъгъан номерини 4-чю бетинде "Боташ Ташны" юсюнден айтылады. |
|
|
|
27.11.2010 21:33:03
http://www.smikbr.ru/2010/zaman/11/26.pdf
"Заман" газетни экинчи бетинде "Известия" газетден алыннган "Саакашвили Сочиде Олимпиаданы болдуртмазгъа кюрешеди" деген макале барды. |
|
|
|
02.12.2010 01:58:12
http://www.smikbr.ru/2010/zaman/12/01.pdf
"Заман" газетни ючюнчю бетинде "Таулула бек термиледиле Кавказгъа къайытыргъа" деген статья барды. Бизни Азияда ахлуларыбызны джуртларына къайтарыр джанындан бир тукъум бир иш этилмегени айтылады. КБР-ни, КЧР-ни башчылары "Соотечественники" программагъа къошулмай къойгъандыла, аны себебли тышындагъы таулула Кавказгъа къайыталмай къыйынлыкъ кёередиле. Къайытханлагъа да кёб чырмау саладыла. |
|
|
|
|
||||
|
|
|||
Читают тему (гостей: 2)