- Эрни эр этерик да, къара джер этерик да, тиширыуду.
- Окъугъан озар, окъумагъан тозар.
- Ашыкъгъанны этеги бутуна чырмалыр.
- Кюл тюбюндеги от кёрюнмейди.
- Артына баргъанны, къатына барма.
- От кюйдюрген, сау болса да, тот кюйдюрген, сау болмаз.
- Ауузу аманнга «иги», деме.
- Адеб базарда сатылмаз.
- Джырчы джырчыгъа – къарнаш.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эл ауузу – элек, анга ийнаннган – халек.
- Ач бёрюге мекям джокъ.
- Игилик игилик бла сингдирилиучю затды.
- Къарнынг къанлынга кийирир.
- Окъугъан – асыу, окъумагъан – джарсыу.
- Къар – келтирди, суу – элтди.
- Тёзгеннге, джабылгъан эшик ачылыр.
- Эм ашхы къайын ана мамукъ бла башынгы тешер.
- Халкъны джырын джырласанг, халкъ санга эжиу этер.
- Узун джолну барсанг, бюгюн келирсе, къысха джолну барсанг, тамбла келирсе.
- Окъдан джара эртде-кеч болса да бителир, сёз джара, ёмюрге къалыр.
- Аууздан келген, къолдан келсе, ким да патчах болур эди.
- Къартны бурнун сюрт да, оноугъа тут.
- Олтуруб кёрюнмей эди да, ёрге туруб кёрюне эди.
- Этим кетсе да, сюегим къалыр.
- Бир абыннган – минг сюрюнюр.
- Аджашхан тёгерек айланыр.
- Окъ къызбайны джокълайды.
- Ана кёлю – балада, бала кёлю – талада.
- Башланнган иш битер, къымылдагъан тиш тюшер.
- Ачны эсинде – аш.
- Адамны джюреги нени кёрюрге сюйсе, кёзю да аны кёрюрге ёч болады.
- Къатыны харакетли болса, эри къымсыз болур.
- Ашхы болсанг, атынг чыгъар, аман болсанг, джанынг чыгъар.
- Кютгени беш эчки, сызгъыргъаны уа, джерни джарады.
- Ёгюзню мюйюзлери ауурлукъ этмейдиле.
- Ётюрюк хапар аякъ тюбю бла джюрюйдю.
- Нарт сёз – тилни бети.
- Ишин билген, аны сыйын чыгъарады.
- Насыблы элин сюер, насыбсыз кесин сюер.
- Айтылгъан буйрукъ, сёгюлмез
- Тёгюлген тюгел джыйылмайды.
- Ауругъаннга – кийик саулукъ, джетген къызгъа – чилле джаулукъ.
- Хатерли къул болур.
- Накъырданы арты керти болур.
- Тыш элде солтан болгъандан эсе, кесинги элде олтан болгъан игиди!
- Билим – акъылны чырагъы.
- Чакъырылмай келген къонакъ сыйланмай кетер.
- Байлыкъ адамны сокъур этер.
- Ачылгъан эт джабылыр, кёрген кёз унутмаз.
КЪАРАЧАЙ-МАЛКЪАР БАСМАДАН
Ответы
04.11.2010 04:53:05
Tinibek
Бек сау бол бу материалланы форумгъа сала баргъанынг ючюн. Ана тилде джазылгъанны хазна адам окъуй да болмаз, алай болса да, бир талай адам окъуса да, хайырды. |
|
|
|
06.11.2010 00:59:32
|
|
|
|
13.11.2010 03:44:25
http://www.smikbr.ru/2010/zaman/11/12.pdf
"Заман" газетни экинчи бетинде Атабийланы Халиматха "КЧР-ни сыйлы художниги" ат аталгъаны айтылады. Халиматны къарнашлары, эгечлери - бары да айтылгъан, фахмулу адамладыла. |
|
|
|
13.11.2010 05:26:33
Tinibek
As-salam! Bek sau bol. Zamandan algan tinchirak bolur, Karacay gazetden ese. |
|
|
|
13.11.2010 06:08:15
Sabr
Алейкум Салам Сабр Кесими окурум келип, алай салдым Заман тынчты, хаман copy paste етилип калады. |
|
|
|
18.11.2010 23:19:58
http://www.smikbr.ru/2010/zaman/11/18.pdf
"Заман" газетни ючюнчю бетинде эки иги макале басмаланады: 1.Сахнаны чынтты джулдузу; 2.Суратларында нарт эпосну джигитлери. |
|
|
|
23.11.2010 22:45:36
http://www.smikbr.ru/2010/zaman/11/23.pdf
"Заман" газетни бюгюн чыкъгъан номерини 4-чю бетинде "Боташ Ташны" юсюнден айтылады. |
|
|
|
27.11.2010 21:33:03
http://www.smikbr.ru/2010/zaman/11/26.pdf
"Заман" газетни экинчи бетинде "Известия" газетден алыннган "Саакашвили Сочиде Олимпиаданы болдуртмазгъа кюрешеди" деген макале барды. |
|
|
|
02.12.2010 01:58:12
http://www.smikbr.ru/2010/zaman/12/01.pdf
"Заман" газетни ючюнчю бетинде "Таулула бек термиледиле Кавказгъа къайытыргъа" деген статья барды. Бизни Азияда ахлуларыбызны джуртларына къайтарыр джанындан бир тукъум бир иш этилмегени айтылады. КБР-ни, КЧР-ни башчылары "Соотечественники" программагъа къошулмай къойгъандыла, аны себебли тышындагъы таулула Кавказгъа къайыталмай къыйынлыкъ кёередиле. Къайытханлагъа да кёб чырмау саладыла. |
|
|
|
|
||||
|
|
|||
Читают тему (гостей: 3)