- Аджалсыз ёлюм болмаз.
- Джерни букъусу кёкге къонмаз.
- Гырджын – тепсини тамадасы.
- Кёзден кетген, кёлден да кетеди.
- Ауругъанны сау билмез, ач къарынны токъ билмез.
- Баш болса, бёрк табылыр.
- Къатын къылыкъсыз, эр тынчлыкъсыз.
- Эшекге миннген – биринчи айыб, андан джыгъылгъан – экинчи айыб.
- Юй ишлеген балта эшикде къалыр.
- Адеб джокъда, намыс джокъ.
- Ариу джол аджал келтирмез.
- Тюзлюк шохлукъну бегитир.
- Олтуруб кёрюнмей эди да, ёрге туруб кёрюне эди.
- Къобан да къуру да къобханлай турмайды, адам да къуру да патчахлай турмайды.
- Биреуге кёлтюрген таягъынг, кесинги башынга урур.
- Чабар ат – джетген къыз.
- Къарт болгъан джерде, берекет болур, сабий болгъан джерде, оюн болур.
- Баш – акъыл ючюн, акъылман – халкъ ючюн.
- Иги адам абынса да, джангылмаз.
- Босагъагъа джууукъ орун болса, ашыгъыб тёрге озма.
- Юре билмеген ит, къонакъ келтирир.
- Кийимни бир кюнню аясанг, минг кюннге джарар.
- Алим болгъандан эсе, адам болгъан къыйынды.
- Билимсиз иш бармаз.
- Айтылгъан буйрукъ, сёгюлмез
- Къонагъы джокъну – шоху джокъ.
- Ёлюр джаннга, ёкюл джокъ.
- Бермеген къол, алмайды.
- Агъач халкъгъа алтынды, иссиликге салкъынды.
- Къалгъан ишге къар джауар.
- Адамны аманы адамны бети бла ойнар.
- Къыйынлы джети элни къайгъысын этер.
- Сёз къанатсыз учар.
- Тойгъанлыкъ къойгъа джарашады.
- Тилчи тилден къаныкъмаз.
- Акъыллы эркиши атын махтар, акъылсыз эркиши къатынын махтар.
- Келинни – келгинчи, бёркню кийгинчи кёр.
- Билгенни къолу къарны джандырыр.
- Ана – юйню кюн джарыгъы.
- Кийимни бичсенг, кенг бич, тар этген къыйын тюлдю.
- Айранны сюйген, ийнек тутар.
- Ата Джуртча джер болмаз, туугъан элча эл болмаз.
- Джаш къарыу бла кючлю, къарт акъыл бла кючлю.
- Аманны къуугъан, аманлыкъ табар.
- Сабыр джетер муратха, сабырсыз къалыр уятха.
- Къуру гыбыт бек дыгъырдар.
- Билим – акъылны чырагъы.
- Бал – татлы, балдан да бала – татлы.
- Тойну къарнашы – харс, джырны къарнашы – эжиу.
- Тынгылагъан тынгы бузар.
КЪАРАЧАЙ-МАЛКЪАР БАСМАДАН
Ответы
04.11.2010 04:53:05
Tinibek
Бек сау бол бу материалланы форумгъа сала баргъанынг ючюн. Ана тилде джазылгъанны хазна адам окъуй да болмаз, алай болса да, бир талай адам окъуса да, хайырды. |
|
|
|
06.11.2010 00:59:32
|
|
|
|
13.11.2010 03:44:25
http://www.smikbr.ru/2010/zaman/11/12.pdf
"Заман" газетни экинчи бетинде Атабийланы Халиматха "КЧР-ни сыйлы художниги" ат аталгъаны айтылады. Халиматны къарнашлары, эгечлери - бары да айтылгъан, фахмулу адамладыла. |
|
|
|
13.11.2010 05:26:33
Tinibek
As-salam! Bek sau bol. Zamandan algan tinchirak bolur, Karacay gazetden ese. |
|
|
|
13.11.2010 06:08:15
Sabr
Алейкум Салам Сабр Кесими окурум келип, алай салдым Заман тынчты, хаман copy paste етилип калады. |
|
|
|
18.11.2010 23:19:58
http://www.smikbr.ru/2010/zaman/11/18.pdf
"Заман" газетни ючюнчю бетинде эки иги макале басмаланады: 1.Сахнаны чынтты джулдузу; 2.Суратларында нарт эпосну джигитлери. |
|
|
|
23.11.2010 22:45:36
http://www.smikbr.ru/2010/zaman/11/23.pdf
"Заман" газетни бюгюн чыкъгъан номерини 4-чю бетинде "Боташ Ташны" юсюнден айтылады. |
|
|
|
27.11.2010 21:33:03
http://www.smikbr.ru/2010/zaman/11/26.pdf
"Заман" газетни экинчи бетинде "Известия" газетден алыннган "Саакашвили Сочиде Олимпиаданы болдуртмазгъа кюрешеди" деген макале барды. |
|
|
|
02.12.2010 01:58:12
http://www.smikbr.ru/2010/zaman/12/01.pdf
"Заман" газетни ючюнчю бетинде "Таулула бек термиледиле Кавказгъа къайытыргъа" деген статья барды. Бизни Азияда ахлуларыбызны джуртларына къайтарыр джанындан бир тукъум бир иш этилмегени айтылады. КБР-ни, КЧР-ни башчылары "Соотечественники" программагъа къошулмай къойгъандыла, аны себебли тышындагъы таулула Кавказгъа къайыталмай къыйынлыкъ кёередиле. Къайытханлагъа да кёб чырмау саладыла. |
|
|
|
|
||||
|
|
|||
Читают тему (гостей: 1)