- Къралынгы – душмандан, башынгы от бла суудан сакъла.
- Ата – билек, ана – джюрек!
- Атлыны кёрсе, джаяуну буту талыр.
- Сёз къанатсыз учар.
- Адебсиз адам – джюгенсиз ат.
- Кютгени беш эчки, сызгъыргъаны уа, джерни джарады.
- Юре билмеген ит, къонакъ келтирир.
- Уллу сёзде уят джокъ.
- Тойгъан джерден туугъан джер игиди.
- Ауругъанны сау билмез, ач къарынны токъ билмез.
- Джарлы тюеге минсе да, ит къабар.
- Къуллукъчума, деб махтанма, къуллукъ – хаух джамчыды!
- Билгенни къолу къарны джандырыр.
- Къонакъ хазыр болгъанлыкъгъа, къонакъбай хазыр тюлдю.
- Абынмазлыкъ аякъ джокъ, джангылмазлыкъ джаякъ джокъ.
- Берекет берсин деген джерде, берекет болур.
- Азыгъы аз, алгъа къабар, аты аман, алгъа чабар.
- Адамны аты башхача, акъылы да башхады.
- Къууут – джелге, берне – бошха.
- Аман адам элни бир-бирине джау этер.
- Тыш элде солтан болгъандан эсе, кесинги элде олтан болгъан игиди!
- Сормай – алма, чакъырылмай – барма.
- Суу да къайтады чыкъгъан джерине.
- Соргъан айыб тюлдю, билмеген айыбды.
- Телиге от эт десенг, юйюнге от салыр.
- Джолунга кёре – джюрюшюнг, джагъанга кёре – юлюшюнг.
- Окъугъан озар, окъумагъан тозар.
- Татлы сёз – балдан татлы.
- Джюз элде джюз ёгюзюм болгъандан эсе, джюз джууугъум болсун.
- Бир онгсуз адам адет чыгъарды, деб эштирик тюлсе.
- Ёмюрлюк шохлукъну джел элтмез.
- Болджал ишни бёрю ашар.
- Байма, деб да, къууанма, джарлыма, деб да, джылама.
- Айтхан – тынч, этген – къыйын.
- Асхат ашлыкъ сата, юйдегиси ачдан къата.
- Ётюрюкню къуйругъу – бир тутум.
- Джылыгъа джылан илешир.
- Кёпюр салгъан кеси ётер, уру къазгъан кеси кетер.
- Иши джокъну, сыйы джокъ.
- Арыгъан къош чамчы болур.
- Эл тойса, тоймагъан, эл къойса, къоймагъан.
- Сагъыш – къартлыкъгъа сюйюмчю.
- Суу ичген шауданынга тюкюрме.
- Къайгъы тюбю – тенгиз.
- Танг атмайма десе да, кюн къоярыкъ тюйюлдю.
- Аманнга да, игиге да оноусуз къатышма.
- Ишлерге уял да, ашаргъа табма.
- Атынг аманнга чыкъгъандан эсе, джанынг тамагъынгдан чыкъсын.
- Арбаз сайлама да, хоншу сайла.
- Башынга джетмегенни сорма.
КЪАРАЧАЙ-МАЛКЪАР БАСМАДАН
Ответы
04.11.2010 04:53:05
Tinibek
Бек сау бол бу материалланы форумгъа сала баргъанынг ючюн. Ана тилде джазылгъанны хазна адам окъуй да болмаз, алай болса да, бир талай адам окъуса да, хайырды. |
|
|
|
06.11.2010 00:59:32
|
|
|
|
13.11.2010 03:44:25
http://www.smikbr.ru/2010/zaman/11/12.pdf
"Заман" газетни экинчи бетинде Атабийланы Халиматха "КЧР-ни сыйлы художниги" ат аталгъаны айтылады. Халиматны къарнашлары, эгечлери - бары да айтылгъан, фахмулу адамладыла. |
|
|
|
13.11.2010 05:26:33
Tinibek
As-salam! Bek sau bol. Zamandan algan tinchirak bolur, Karacay gazetden ese. |
|
|
|
13.11.2010 06:08:15
Sabr
Алейкум Салам Сабр Кесими окурум келип, алай салдым Заман тынчты, хаман copy paste етилип калады. |
|
|
|
18.11.2010 23:19:58
http://www.smikbr.ru/2010/zaman/11/18.pdf
"Заман" газетни ючюнчю бетинде эки иги макале басмаланады: 1.Сахнаны чынтты джулдузу; 2.Суратларында нарт эпосну джигитлери. |
|
|
|
23.11.2010 22:45:36
http://www.smikbr.ru/2010/zaman/11/23.pdf
"Заман" газетни бюгюн чыкъгъан номерини 4-чю бетинде "Боташ Ташны" юсюнден айтылады. |
|
|
|
27.11.2010 21:33:03
http://www.smikbr.ru/2010/zaman/11/26.pdf
"Заман" газетни экинчи бетинде "Известия" газетден алыннган "Саакашвили Сочиде Олимпиаданы болдуртмазгъа кюрешеди" деген макале барды. |
|
|
|
02.12.2010 01:58:12
http://www.smikbr.ru/2010/zaman/12/01.pdf
"Заман" газетни ючюнчю бетинде "Таулула бек термиледиле Кавказгъа къайытыргъа" деген статья барды. Бизни Азияда ахлуларыбызны джуртларына къайтарыр джанындан бир тукъум бир иш этилмегени айтылады. КБР-ни, КЧР-ни башчылары "Соотечественники" программагъа къошулмай къойгъандыла, аны себебли тышындагъы таулула Кавказгъа къайыталмай къыйынлыкъ кёередиле. Къайытханлагъа да кёб чырмау саладыла. |
|
|
|
|
||||
|
|
|||
Читают тему (гостей: 1)