- Мухардан ач ычхынмаз.
- Окъумагъан сокъурду, сокъур ташха абыныр!
- Сютню башын джалагъан къутулур, тюбюн ичген тутулур.
- Къошда джокъгъа – юлюш джокъ.
- Хар адамгъа кеси миннген тау кибик.
- Нёгерсизни джолу узун.
- Тамырсыз терекге таянма – джыгъылырса.
- Айтхан – тынч, этген – къыйын.
- Аджаллыгъа окъсуз шкок атылыр.
- Эки итни арасына сюек атма, эки адамны арасында сёз чыгъарма.
- Садакъачыны джаны – къапчыгъында.
- Къумурсхала джыйылсала, пилни да джыгъадыла.
- Кийимни бир кюнню аясанг, минг кюннге джарар.
- Кёз – сюйген джерде, къол – ауругъан джерде.
- Тойну къарнашы – харс, джырны къарнашы – эжиу.
- Юйюнг бла джау болгъандан эсе, элинг бла джау бол.
- Эки элинги тыйсанг, джети элде махталырса.
- Билмегенинги, билгеннге сор.
- Ач бёрюге мекям джокъ.
- Мухарны эси – ашарыкъда.
- Аджашханны ызындагъы кёреди, джангылгъанны джанындагъы биледи.
- Тойгъа алгъа да барма, тойда артха да къалма.
- Адамны аманы адамны бети бла ойнар.
- Акъыл бла адеб эгизледиле.
- Джарашыу сюйген – джалынчакъ.
- Джахил болса анасы, не билликди баласы?
- Тёзген – тёш ашар!
- Ётюрюкчюню шагъаты – къатында.
- Ётюрюк хапар аякъ тюбю бла джюрюйдю.
- Аман къатын алгъан, арыр, иги къатын алгъан джарыр.
- Ариу – кёзге, акъыл – джюрекге.
- Ёлген ийнек сютлю болур.
- Къралынгы – душмандан, башынгы от бла суудан сакъла.
- Байлыкъ тауусулур, билим тауусулмаз.
- Таукел къуру къалмаз.
- Кесинге джетмегенни, кёб сёлешме.
- Ач – эснер, ат – кишнер.
- Бермеген къол, алмайды.
- Ата Джуртча джер болмаз, туугъан элча эл болмаз.
- Тили узунну, намысы – къысха.
- Ёлюк кебинсиз къалмаз.
- Ашхы болсанг, атынг чыгъар, аман болсанг, джанынг чыгъар.
- Тау башында, тау болмаз, джангыз терек, бау болмаз.
- Ханы къызы буюгъа-буюгъа киштик болду.
- Игини сыйлагъан адетди.
- Бойнуму джети джерден кессенг да, мен ол ишни этеллик тюлме.
- Босагъа таш юйге кирмей эди, тыбыр таш эшикге чыкъмай эди.
- Джан саулукъ бермей, сан саулукъ бермезсе.
- Бал ашаргъа сюе эсенг, чибин ургъаннга тёз.
- Илму – джашауну джолу.
КЪАРАЧАЙ-МАЛКЪАР БАСМАДАН
Ответы
04.11.2010 04:53:05
Tinibek
Бек сау бол бу материалланы форумгъа сала баргъанынг ючюн. Ана тилде джазылгъанны хазна адам окъуй да болмаз, алай болса да, бир талай адам окъуса да, хайырды. |
|
|
|
06.11.2010 00:59:32
|
|
|
|
13.11.2010 03:44:25
http://www.smikbr.ru/2010/zaman/11/12.pdf
"Заман" газетни экинчи бетинде Атабийланы Халиматха "КЧР-ни сыйлы художниги" ат аталгъаны айтылады. Халиматны къарнашлары, эгечлери - бары да айтылгъан, фахмулу адамладыла. |
|
|
|
13.11.2010 05:26:33
Tinibek
As-salam! Bek sau bol. Zamandan algan tinchirak bolur, Karacay gazetden ese. |
|
|
|
13.11.2010 06:08:15
Sabr
Алейкум Салам Сабр Кесими окурум келип, алай салдым Заман тынчты, хаман copy paste етилип калады. |
|
|
|
18.11.2010 23:19:58
http://www.smikbr.ru/2010/zaman/11/18.pdf
"Заман" газетни ючюнчю бетинде эки иги макале басмаланады: 1.Сахнаны чынтты джулдузу; 2.Суратларында нарт эпосну джигитлери. |
|
|
|
23.11.2010 22:45:36
http://www.smikbr.ru/2010/zaman/11/23.pdf
"Заман" газетни бюгюн чыкъгъан номерини 4-чю бетинде "Боташ Ташны" юсюнден айтылады. |
|
|
|
27.11.2010 21:33:03
http://www.smikbr.ru/2010/zaman/11/26.pdf
"Заман" газетни экинчи бетинде "Известия" газетден алыннган "Саакашвили Сочиде Олимпиаданы болдуртмазгъа кюрешеди" деген макале барды. |
|
|
|
02.12.2010 01:58:12
http://www.smikbr.ru/2010/zaman/12/01.pdf
"Заман" газетни ючюнчю бетинде "Таулула бек термиледиле Кавказгъа къайытыргъа" деген статья барды. Бизни Азияда ахлуларыбызны джуртларына къайтарыр джанындан бир тукъум бир иш этилмегени айтылады. КБР-ни, КЧР-ни башчылары "Соотечественники" программагъа къошулмай къойгъандыла, аны себебли тышындагъы таулула Кавказгъа къайыталмай къыйынлыкъ кёередиле. Къайытханлагъа да кёб чырмау саладыла. |
|
|
|
|
||||
|
|
|||
Читают тему (гостей: 1)