Войти на сайт
20 Мая 2024 года

 

  • Таукел тауну аудурур.
  • Иши джокъну, сыйы джокъ.
  • Айранын берсенг, челегин да къызгъанма.
  • Хар адамгъа кеси миннген тау кибик.
  • Къонакъ болсанг, ийнакъ бол.
  • Тилсиз миллет джокъ болур.
  • Эшекге миннген – биринчи айыб, андан джыгъылгъан – экинчи айыб.
  • Кёлю джокъну – джолу джокъ.
  • Чомарт бергенин айтмаз.
  • Керти сёзге тёре джокъ.
  • Кёзюнде тереги болгъан, чёбю болгъаннга кюле эди.
  • Кёбню кёрген – кёб билир.
  • Айырылгъанланы айю ашар, бёлюннгенлени бёрю ашар.
  • Сакъ юйюне сау барыр.
  • Тёрени джагъы джокъ.
  • Чабакъ башындан чирийди.
  • Кёз – сюйген джерде, къол – ауругъан джерде.
  • Къызгъанчдан ычхыныр, мухардан ычхынмаз.
  • Эр абынмай, эл танымаз.
  • Иги сеники эсе да, сюйген кесимикин этеме.
  • Адамны бетине къарама, адетине къара.
  • От этилмеген джерден тютюн чыкъмайды.
  • Ишленмеклик адамлыкъды.
  • Халкъны джырын джырласанг, халкъ санга эжиу этер.
  • Ата – билек, ана – джюрек!
  • Ишлерге уял да, ашаргъа табма.
  • Дуния аламаты сен эсенг да, игиме деб айтма.
  • Аджашхан тёгерек айланыр.
  • Терслик кетер, тюзлюк джетер.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Аман хансны – урлугъу кёб.
  • Хар ишни да аллы къыйынды.
  • Суугъа – таянма, джаугъа – ийнанма.
  • Соргъан айыб тюлдю, билмеген айыбды.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Узун джолну барсанг, бюгюн келирсе, къысха джолну барсанг, тамбла келирсе.
  • Огъурлуну сёзю – суу, огъурсузну сёзю – уу.
  • Чомартха Тейри да борчлуду.
  • Алим болгъандан эсе, адам болгъан къыйынды.
  • Булут кёкге джарашыу, уят бетге джарашыу.
  • Къонакъ аман болса, къонакъбай джунчур
  • Рысхысына кёре, джаш ёсер, къышлыгъына кёре, мал ёсер.
  • Тёрде – темир таякълы, къаяда – чыпчыкъ аякълы.
  • Ашын ашагъанынгы, башын да сыйла.
  • Хунаны тюбюн къазсанг, юсюнге ауар.
  • Сыфатында болмагъаны, суратында болмаз.
  • Къыз келсе, джумуш эте келеди, къатын келсе, ушакъ эте келеди.
  • Аякъларынгы джууургъанынга кёре узат.
  • Къаллай салам берсенг, аллай джууаб алырса.
  • Ишни аллы бла къууанма да, арты бла къууан.

 

Архив Форума » Бёлюмле :: Тематические разделы » Ана тилде :: Ana tilde
   RSS
Ана тилибизде селешейик!!!
 
#1
Джаратама0
29.11.2006 15:12:49
Аланла, былайда нени юсюнден джазсакъда, кесибизни ана тилибизде джазаргъа кюрешейик. Билмеген сёзлерибиз болса сорайыкъ, алайсыз иш этиб орусча джазылгъан сёзлени кетериб баргъа борчум бардыАллай хатачыкъларымы кече турлукъсуз деб ышанама сизге
 
 
Страницы: Пред. 1 ... 18 19 20 21 22 ... 875 След.
Ответы
 
#476
Джаратама0
29.01.2007 13:00:09
Сэстренка
Патчах!!!! Ой сенича къызла меннг патчах дегенднен иги къайда Къалайса иги къызлай турамыса????
 
 
 
#477
Джаратама0
29.01.2007 14:52:13
Арканджело
Сора бизни тилде черкес тилден келген сезле бырдыла дейсе, не? Алан, сен джюрексиндирген къой эсенг джюрек дарман керекли этесе адамны)))))). Овесну да ала къурагъандыла деб къояса ол сагъатлай))). Кертда-кертда, бир айт, черкеслиледен не да тегейлиледен келген сездю деб нек айтдынг? Кертида алаймыды дейсе?

09rus
)))))) "Миллетим" дегенинг ючюн айта эдим))). Эртде заманда Мурат айтыучан жди хаман алай. Сора сени уа не этиб таныялмай къалдым . Мындан алда да бир кере таныгъанча селешген эдинг, "кимди экен деб сагъышлы болубь къалгъан эдим
 
 
 
#478
Джаратама0
29.01.2007 16:21:11
[b]Сэстрёнка,/b]
Бюгюн сорурма, кимден "зынтхы" келгенди.Черкеслиден не да тегейлиден.
Сен кесинг бир черкесли сёзню нек айтханса?)))))А?)
 
 
 
#479
Джаратама0
29.01.2007 16:28:08
Арканджело
Не аладан, не аладан келгенине уа джкъду шегинг? Не?
Не зат сёзню айтханма черкесча? )))))
 
 
 
#480
Джаратама0
29.01.2007 17:11:18
Сени ачыулангъанынгъы, къутургъанынгъы аламат ангъылайма)))))
Шо, кёлюнгю бассанг, а))))Къыйналма, Эгеччигим)))

Мен айта эдим, кёб тюрклю сёзле черкеслилени, тегейлилени тиллериндеди.
Сени ананг тилде, черкесли, тегейли сёзле азды


"Быхы" сен айтханса, бу сёз черкеслиди

Бу теманы къоярмы эдим?))
 
 
 
#481
Джаратама0
29.01.2007 18:43:08
Арканджело
Огъай нек къояса... тюзге тюз дерге керекди... бизда билеик сёзле къалай къуралгъанларын... эмда къайдан келгенлерин...
 
 
 
#482
Джаратама0
29.01.2007 18:45:07
Как пишется "веник" на нашем?
 
 
 
#483
Джаратама0
29.01.2007 18:47:30
Муза
ой анам анам... бир тынчыракъ сёз сорсанг... былайда болгъан сагъанчыгъымда акъыл тёге кетер эдим... )))
бирле "Сибиртки"... бирле уа "сибирикки" дейдиле... тюз къалай джазылгъаны уа Аллаху гъалим...
 
 
 
#484
Джаратама0
29.01.2007 18:54:43
Qarcha
Ааа, сау бол)))))))) Аны ючюн соргъан эдим. Рашми сибирикки дей эди, мен уа сибиртки)))))))
 
 
 
#485
Джаратама0
29.01.2007 19:38:39
Муза
При всём своем уважений к Рашми... литературнее будет "Сибиртки"...
Кажется здесь нельзя было писать на не карачаево-балкарском...
люблю быть вне закона... иногда...
Д.А. Рашмиге САЛАМ бер... Ашхы...
 
 
 
#486
Джаратама0
29.01.2007 19:49:43
Бу теманы къоярмы эдим?))
Арканджело
Огъай-огъай!!!!!!!!!!!! Ни за что къойма!!!!!!!!!!)))))))
Айлана да экинчи классха къайтамы турлукъса?;)))) Джараш да окъу бешинчи классны дерсин;)))))
 
 
 
#487
Джаратама0
29.01.2007 22:34:40
Qarcha
Мен сени таныйма.Приэльбрусьеде сени бла хычынланы ашагъан эдим.Бир суратчыкъ барды.Сюйсенг, санга иерикме.))Мэйлны джазсанг))

Сэстрёнка
))))))
Окъудум.Энди не этейим?))))
 
 
 
#488
Джаратама0
29.01.2007 22:35:43
Арканджело
Энди алтынчы классха кеч;))))))))
 
 
 
#489
Джаратама0
29.01.2007 23:11:25
Qarcha


При всём своем уважений к Рашми... литературнее будет "Сибиртки"...
Кажется здесь нельзя было писать на не карачаево-балкарском...
люблю быть вне закона... иногда...
Д.А. Рашмиге САЛАМ бер... Ашхы...

Я и имела в виду, что "сибирикки" деб говорится, а пишется "сибиритки". Саламынг узакъ болсун)))) Сау бол.
 
 
 
#490
Джаратама0
29.01.2007 23:47:10
Муза
Как пишется "веник" на нашем?
Бу джазгъанынгы джангыдан къарачайча бир джаз

Аны ючюн соргъан эдим. Рашми сибирикки дей эди, мен уа сибиртки)))))))
Сибиртки бла тюемидиле огъесе сибирикки бла тюемидиле башхасы джокъду

Рашми
Салам тюз айтаса
 
 
 
#491
Джаратама0
29.01.2007 23:48:24
Хауа сюрюучю
Салам, сау бол)))
 
 
 
#492
Джаратама0
30.01.2007 00:02:20
Рашми
Не хапар неге джарайса? Экзаменлеринги бериб бошадынгмы?
 
 
 
#493
Джаратама0
30.01.2007 00:07:27
Хауа сюрюучю

(Ванхельсинг сюртгенди. Къарачайча джаз )

Сен къалайса?
 
 
 
#494
Джаратама0
30.01.2007 00:34:58
Хауа сюрюучю

(Ванхельсинг сюртгенди. Къарачайча джаз )



Джазайым. Тамбла ахыргъы экзаменими джабама. Башил айыны отуз биринчисинде, ол бараз кюн болады, Аллах айтса юйюме джыйллыкъма. Сен уа къалайса? Не ишлейсе?
 
 
 
#495
Джаратама0
30.01.2007 00:43:17
Рашми
Ма алай этелле иги къызла, ансын сен иги къыз бола тургъанлайнга къылыкъ этиб
Да кетгинчин кёрмей къойсам иги джолгъа бар. Джыйылыугъузда салам айтырса менден
А тамбла экзаменингден Аллах къуандырсын Муза сенден иги берсе экзаменни сибиртки бла тюерсе аман берсе уа андан да бек тюерсе
 
 
 
#496
Джаратама0
30.01.2007 00:50:31
Хауа сюрюучю

Ма алай этелле иги къызла, ансын сен иги къыз бола тургъанлайнга къылыкъ этиб

Менда бир кере къылыкъ этгенликге не боллукъду))))

Да кетгинчин кёрмей къойсам иги джолгъа бар. Джыйылыугъузда салам айтырса менден

Сау бол. Саламынг узакъ болсун, айтырма.

А тамбла экзаменингден Аллах къуандырсын

Сау бол. Аллах айтса тычнч бла бере кетерме.

Муза сенден иги берсе экзаменни сибиртки бла тюерсе аман берсе уа андан да бек тюерсе

Сен айтдынг эсенг))) Айтырма алай эт деб тилеген адам бар эди деб. Кертиси бла да, барды мында аллай сибиритким))) Керек болса айтырса))))
 
 
 
#497
Джаратама0
30.01.2007 02:22:20
Рашми
Менда бир кере къылыкъ этгенликге не боллукъду))))
Бир керечик ючюн джукъ болмаз, юренчек болуб къалма ансын дейме

Сау бол. Аллах айтса тычнч бла бере кетерме.
Аллах айтыб, дерсинги сезиб азбар этген эсенг, къыйналмай берирсе

Айтырма алай эт деб тилеген адам бар эди деб.
Мен айтханымы айтсанг айтмасангда билликди, айпиме къараб))))))
 
 
 
#498
Джаратама0
30.01.2007 02:45:16
Хауа сюрюучю

Тамбла джазсанг уа джууабынгы))))))) Мен сен уже джукъларгъа кеткенсе деб тура эдим. Хо, неда аламат болур Аллах айтса.

Къылыкъ этме мен болмагъан заманда Сау танга чыкъ.
 
 
 
#499
Джаратама0
30.01.2007 02:58:15
Рашми
Да тамблагъада алай кёб заман къалмагъан эдитёр такъикъачыкъ къалгъанды

Сёз бермейме, алай болсада къылыкъ этмезге кюреширме

Биргелей
 
 
 
#500
Джаратама0
30.01.2007 02:59:22
Ванхельсинг сюртгенди. Къарачайча джаз
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
Страницы: Пред. 1 ... 18 19 20 21 22 ... 875 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2024 Elbrusoid.org  |  Все права защищены Законами Гор.