Войти на сайт
10 Мая 2024 года

 

  • Экиндини кеч къылсанг, чабыб джетер ашхам.
  • Мал тутхан – май джалар.
  • Ишлегенден, къарагъан уста.
  • Джигер – джаннга къыйынлыкъ.
  • Ашлыкъны арба юйге келтирир, чана базаргъа элтир.
  • Ашхы сёз таш тешер.
  • Бёрю да ач къалмасын, эчки да ашалмасын.
  • Чёбню кёлтюрсенг, тюбюнден сёз чыгъар.
  • Джумушакъ терекни къурт ашар.
  • Къаллай салам берсенг, аллай джууаб алырса.
  • Аман хансны – урлугъу кёб.
  • Намысы джокъну – дуниясы джокъ.
  • Къатыны харакетли болса, эри къымсыз болур.
  • Баш болса, бёрк табылыр.
  • Чакъырылмагъан къонакъ къачан кетерин сормаз.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Къонакъ болсанг, ийнакъ бол.
  • Биреу къой излей, биреу той излей.
  • Окъ къызбайны джокълайды.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Ёпкелегенни ашы татлы болады.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Шекер бла туз – бир болмаз, ушамагъан – юй болмаз.
  • Тешик этген тынчды, аны джамагъан къыйынды.
  • Тюзлюк тас болмайды.
  • Эркиши – от, тиширыу – суу.
  • Ханы къызы буюгъа-буюгъа киштик болду.
  • Къолунгдан къуймакъ ашатсанг да, атаны борчундан къутулмазса.
  • Айырылмаз джууугъунга, унутмаз сёзню айтма.
  • Киштикге къанат битсе, чыпчыкъ къалмаз эди.
  • Джылыгъа джылан илешир.
  • Башы ишлегенни, ауузу да ишлер.
  • Хатерли къул болур.
  • Ачны эсинде – аш.
  • Хар сёзню орну барды.
  • Келинин тута билмеген, къул этер, къызын тута билмеген, тул этер.
  • Къайгъыны сюйген, къайгъы табар.
  • Тенгни тенглиги джашай барсанг билинир.
  • Ашхы – джыяр, аман – джояр.
  • Ач отунчуну ачыуу – бурнунда.
  • Телини эшигин, махтау джабар.
  • Айранны сюйген, ийнек тутар.
  • Аманнга да, игиге да оноусуз къатышма.
  • Ашаса, ашамаса да, бёрюню ауузу – къан.
  • Акъыллы – эл иеси, тели – эл баласы.
  • Ашлыкъ – бюртюкден, джюн – тюкден.
  • Иги адам абынса да, джангылмаз.
  • Айраннга суу къош, телиге джол бош.
  • Сабий кёргенин унутмаз.
  • Накъырда – кертини келечиси.

 

Архив Форума » Бёлюмле :: Тематические разделы » Ана тилде :: Ana tilde
   RSS
Ана тилибизде селешейик!!!
 
#1
Джаратама0
29.11.2006 15:12:49
Аланла, былайда нени юсюнден джазсакъда, кесибизни ана тилибизде джазаргъа кюрешейик. Билмеген сёзлерибиз болса сорайыкъ, алайсыз иш этиб орусча джазылгъан сёзлени кетериб баргъа борчум бардыАллай хатачыкъларымы кече турлукъсуз деб ышанама сизге
 
 
Страницы: Пред. 1 ... 11 12 13 14 15 ... 875 След.
Ответы
 
#301
Джаратама0
14.01.2007 19:33:57
Ванхелсинг, томлада къалай джазылгъанын билмейме. Мен "Къарачай" газетге къарадым анда да мен айтханча джазылыбды, тюйюлдю малкъарча болур, не да экисича да айтыла болур. Мен бусагъатха дери къарачайча окъугъан джерлеримде тюйюл деб бир джерде да кёргеним эсимде тюлдю...
 
 
 
#302
Джаратама0
14.01.2007 19:54:35
Сора юретгеннге да къарадым "Къарачай" газетни бир талай джеринде бар эди, мен айтханча юретген деб, джазылыбды. Мени сартын, Сэстренка малкъарлыла бла къатышдырады, сен да (Ванхелсинг).
 
 
 
#303
Джаратама0
15.01.2007 00:21:55
Мен бусагъатха дери къарачайча окъугъан джерлеримде тюйюл деб бир джерде да кёргеним эсимде тюлдю...
Abdullah
Не "тюлдю", а "тюйЮлдю"))))))))
 
 
 
#304
Джаратама0
15.01.2007 00:55:44
Ким тюйюлдю? Къой Сэстренка бу тюйген-тюйюлген хапарланы, тюйюшген иги зат ТЮЛДЮ)))
 
 
 
#305
Джаратама0
15.01.2007 01:08:43
Abdullahъ
КЪЫПТЫ - КЪЫПТЫ-КЪЫПТЫ)))))))))))
 
 
 
#306
Джаратама0
15.01.2007 01:21:26
Сэстрёнка, müdür müdür müdür?

(къыптыны билмейме, не къыпты хапарды ол????)))))))))))))))))))
 
 
 
#307
Джаратама0
15.01.2007 03:22:13
Abdullah
В оригинале пересказать не смогу, но суть могу передать... Жила-была одна упрямая женщина... ой, кецхинлик))) - къарачайча айтыргъа керек шойду))).

Эртде-эртде бир кесим айтхан деб тургъан бир тиширыу болгъанды. Бир кюн бир эри бла арбада бара тургъанлай, нени эсе да юсюнден селеше келиб, эри "бычакъ" десе, бу да ызына "къыпты" деб тургъанды. Сора ол "бычакъ" десе бу да ызына "бычакъ" деб тамам джюрегин джаргъанды эрини. Сора ол киши къызыуу бла тюртгенди да ийгенди муну арбадан. Кеслери уа кепюрге джетиб кепюр бла етюб баргъан болгъандыла туура ол заманчыкъда. Сора ол къатын суугъа батыб бара, джюзюб ерге чыгъар къайгъылы болмай, дагъыда бармакълары бла къыптыны кергюзе бара эди дейдиле))))))).
 
 
 
#308
Джаратама0
15.01.2007 04:37:26
Сэстренка
Эртде-эртде бир кесим айтхан деб тургъан бир тиширыу болгъанды. Бир кюн бир эри бла арбада бара тургъанлай, нени эсе да юсюнден селеше келиб, эри "бычакъ" десе, бу да ызына "къыпты" деб тургъанды. Сора ол "бычакъ" десе бу да ызына "бычакъ" деб тамам джюрегин джаргъанды эрини. Сора ол киши къызыуу бла тюртгенди да ийгенди муну арбадан. Кеслери уа кепюрге джетиб кепюр бла етюб баргъан болгъандыла туура ол заманчыкъда. Сора ол къатын суугъа батыб бара, джюзюб ерге чыгъар къайгъылы болмай, дагъыда бармакълары бла къыптыны кергюзе бара эди дейдиле)))


"Упрямая дура" къалай боллукъду къарачайча?
 
 
 
#309
Джаратама0
15.01.2007 04:44:52
Сэстренка
Abdullah
kipti kipti, deb bata edi dei katin) ti pro etu istoriu, Sapii?
 
 
 
#310
Джаратама0
15.01.2007 10:40:13
ААААААААААА, эсиме тюшдю)))).

Мен джазгъан да тюрк тюлде толу предложенияды (къарачайча предложенияны чырт эсиме тюшюралмайма). Магъанасы: директор действительно ли директор))).
 
 
 
#311
Джаратама0
15.01.2007 10:49:44
предложение = айтым
 
 
 
#312
Джаратама0
15.01.2007 10:51:00
"Упрямая дура" = кесим деб тургъан тели; кеси айтханны тутуп тургъан
 
 
 
#313
Джаратама0
15.01.2007 10:52:44
Azamat, кецхинлик, алай а сен арт заманда къалай эсе да джазылгъанланы джетелмай къаласа (не догоняешь, отстаешь), бираз эсинги джыйыб къара джазылгъанлагъа. Не болгъанды Америка сени сЭр этиб, къояргъа тебрегенди))), огъесе ийилген сообщенияла Америкагъа бир талай сагъатха кечми барадыла?)) (къуру былайда тюл, башха намазны юсюнден да джазылыб, кетиб бошагъан (англатылыб, джазылыб тургъан) затланы джангыдан сораса, Аллах айтыб, кёлюнг къала болмаз).
 
 
 
#314
Джаратама0
15.01.2007 13:12:07
Abdullah
Керти да газетледе да китаблада да тюлдю деб джазыла кёре эдим. Тюненеден бери былайда къарачай газетлени окъуб кюрешеме. Мундан ары Малкъар сёзлюкге къараб сёлешген къалды
тюйюшген иги зат ТЮЛДЮ)))
 
 
 
#315
Джаратама0
16.01.2007 02:05:15
Сэстренка
Упрямая дура"-Барып тохтагъан тели)))))))))))
 
 
 
#316
Джаратама0
16.01.2007 02:17:41
бездушный кролик
Упрямая дура - циппе-ций тели!! )))))))))))))))))))
 
 
 
#317
Джаратама0
16.01.2007 02:22:32
AYLA
Телини жети тюрлюсю болады билемисе??))))))
 
 
 
#318
Джаратама0
16.01.2007 02:26:17
бездушный кролик
тейри, аны минг тюрлюсю болур!! )))))))))))
 
 
 
#319
Джаратама0
16.01.2007 03:19:26
бездушный кролик
Барып тохтагъан тели))))))))))) - "безнадёжная дура" болур му?

AYLA
циппе-ций тели!! )))))))))))))))))))
А это, вообще, уникальное выражение.
 
 
 
#320
Джаратама0
16.01.2007 13:13:31
sama
А это, вообще, уникальное выражение.
Былайда орусча джазаргъа болмайды Бу джазгъанынгы кесибизни тилибизге кёчюр, ансын ансын ансын бир зат боллукъду
 
 
 
#321
Джаратама0
16.01.2007 13:18:24
Ванхельсинг
А "пронумеровать" уже перевели?
 
 
 
#322
Джаратама0
16.01.2007 13:29:12
Ванхельсинг
машаллах Банхелсинг, хайт десенг окъулда къарачай тилден устаз болуб ишлерча болгъанса
 
 
 
#323
Джаратама0
16.01.2007 13:33:25
Я
А "пронумеровать" уже перевели?
"Санын салыргъа" дейдиле

Albert
....хайт десенг окъулда къарачай тилден...
Къайда къайда?кетдинг биринчи класха ана тилни окъургъа
 
 
 
#324
Джаратама0
16.01.2007 13:35:47
"Упрямая дура" = къыпты
 
 
 
#325
Джаратама0
16.01.2007 13:39:16
Да сора "анонимлеге санын салыргъа керекти" дейбизми?
А это точно? Огесе Малкъар сёзлюкбла?
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
Страницы: Пред. 1 ... 11 12 13 14 15 ... 875 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2024 Elbrusoid.org  |  Все права защищены Законами Гор.