- Бети бедерден, намыс сакълама.
- Тил бла келеди джыр да.
- Ариуну – ауруу кёб.
- Къарны аманнга къазан такъдырма, къолу аманнга от джакъдырма.
- Тилчи бир сагъатха айлыкъ хата этер.
- Уллу сёзде уят джокъ.
- Ачыу алгъа келсе, акъыл артха къалады.
- Кёлсюзден сёзсюз тууар.
- Сыфатында болмагъаны, суратында болмаз.
- Ишлегенде эринме, ишде чолакъ кёрюнме.
- Бал чибинни ургъаны – ачы, балы – татлы.
- Чомартха хар кюн да байрамды.
- Къазанчы аман болса, къазаны къайнамаз.
- Къарт болгъан джерде, берекет болур, сабий болгъан джерде, оюн болур.
- Ётюрюкчюню шагъаты – къатында.
- Чомартны къолун джокълукъ байлар.
- Ауузу бла къуш тута айланады.
- Сёз сёзню айтдырыр.
- Ач къарным, тынч къулагъым.
- Къыйынлы джети элге оноу этер.
- Нёгер болсанг, тенг бол, тенг болмасанг, кенг бол.
- Кёл – къызбай, къол – батыр.
- Хар адамгъа кеси миннген тау кибик.
- Айныгъанлы алты кюн, тогъайгъанлы тогъуз кюн.
- Кюн – узун, ёмюр – къысха.
- Ана къойну – балагъа джандет.
- Алим болгъандан эсе, адам болгъан къыйынды.
- Уруну арты – къуру.
- Халкъны юйю – туугъан джери.
- Кесинг сынамагъан затны, адамгъа буюрма.
- Къошда джокъгъа – юлюш джокъ.
- Кёб ант этген, кёб ётюрюк айтыр.
- Бюгюн дуния кибик, тамбла ахыратды.
- Тура эдим джата, къайдан чыкъды хата?
- Азыкъ аз болса, эртде орун сал.
- Эшекни не къадар тюйсенг да, ат болмаз.
- Тамбла алтындан бюгюн багъыр ашхы.
- Ёнгкюч къууана барыр, джылай келир.
- Кёзню ачылгъаны – иги, ауузну джабылгъаны – иги.
- Джарлы эскисин джамаса, къууаныр.
- Къулакъдан эсе, кёзге ышан.
- Тюзлюк тас болмайды.
- Айыбны суу бла джууалмазса.
- Кийим тукъум сордурур.
- Атлыны ашхысы, ат тизгининден билинир
- Эки къатын алгъан – эки ташны ортасына башын салгъан.
- Джогъун бар этген, барын бал этген.
- Суугъа – таянма, джаугъа – ийнанма.
- Окъугъан – асыу, окъумагъан – джарсыу.
- Джолунга кёре – джюрюшюнг, джагъанга кёре – юлюшюнг.
Ана тилибизде селешейик!!!
Ответы
09.01.2007 13:01:18
бездушный кролик
"Неме " деген сез жокъду тау тилде))))))))) "иностранный" сез болуб му киргенди дейсе бизни тилге))))? |
|
|
|
13.01.2007 17:02:50
Тилибизде бир къауум сёзлеге джангыз магъана табылмаса да, бир къауумлагъа къурай бергендиле. Къубулчакъ, къошакъ, кука, махтанчакъ, омакъланыучу, уллу кёллю...)))
|
|
|
|
13.01.2007 17:04:43
Abdullah
))))))))))) Эм тюзю уа "важно не то, что сказано, а как сказано" деген болур)))))). |
|
|
|
14.01.2007 04:14:12
sama
Башинда смекалкасы (къарачайча калай боллугъуну билмейме) болгъан адам, кеси да англар, деген магъанагъа келе болур му? эшта джашада къал |
|
|
|
14.01.2007 16:28:14
Бу темандан кёчюрюлгендиле...
Abdullah Эльбрусоид # Дата: 13 Янв 2007 22:45 Ответить Цитата мундан тюл мындан. Тюзете туругъуз дегенинг эсимде эди да аны ючюн тюзеттим, ансы хар кимни да тюзетиб бармайма)). Сен да сау бол, Къарчаны табханынг ючюн. Энди бу теманы да къоратырыкъ болурсуз мен айтмасам да, мен да эркинлик береме. |
|
|
|
14.01.2007 16:30:31
Сэстренка
Эльбрусоид # Дата: 14 Янв 2007 01:14 Ответить Цитата мундан тюл мындан. и не "тюл", а "тюйюл" |
|
|
|
14.01.2007 16:31:02
Урфин
Эльбрусоид # Дата: 14 Янв 2007 12:03 Ответить Цитата Не кеп устаз жыйылды бир темада))) |
|
|
|
14.01.2007 16:31:17
Abdullah
Эльбрусоид # Дата: 14 Янв 2007 12:09 Ответить Цитата Бир сен джетмей эдинг, Урфин (Джус))) |
|
|
|
14.01.2007 16:31:29
Урфин
Эльбрусоид # Дата: 14 Янв 2007 12:15 Ответить Цитата Abdullah да мен акъыл тауш этмей ана тильде тюз жазаргъа юйренирге деп кельгенме;))))) |
|
|
|
14.01.2007 16:31:40
Della
Эльбрусоид # Дата: 14 Янв 2007 12:16 Ответить Цитата Ванхельсинг Къарчагъа уллу салам айтырсыз!! Кстати,мы тут решили еще в феврале собраться..как вы на это смотрите?))) |
|
|
|
|
|
|
|
|
|
|
|
|
|
|
|
|
|
|
|
|
||||
|
|
|||
Читают тему (гостей: 1)