- Бал чибинни ургъаны – ачы, балы – татлы.
- Къая джолда джортма, ачыкъ сёзден къоркъма.
- Джюрекге ариу – кёзге да ариу.
- Биреу ашаб къутулур, биреу джалаб тутулур.
- Эртде тургъан джылкъычыны эркек аты тай табар.
- Агъач – джерни чырайы, кийим – эрни чырайы.
- Бойнуму джети джерден кессенг да, мен ол ишни этеллик тюлме.
- Шапа кёб болса, аш татымсыз болур.
- Аманны къуугъан, аманлыкъ табар.
- Эл элде бирер малынг болгъандан эсе, бирер тенгинг болсун.
- Чабакъгъа акъыл, табагъа тюшсе келеди.
- Огъурлуну сёзю – суу, огъурсузну сёзю – уу.
- Ёгюзню мюйюзлери ауурлукъ этмейдиле.
- Кийим тукъум сордурур.
- Тилчи тилден къаныкъмаз.
- Окъ къызбайны джокълайды.
- Эки ойлашыб, бир сёлешген.
- Этек чакъмакълары баш джаргъан, сёлешген сёзлери таш джаргъан.
- Кенгеш болса, уруш болмаз.
- Хансыз джомакъ болмаз.
- Насыблы элин сюер, насыбсыз кесин сюер.
- Игини сыйлагъан адетди.
- Джарлы джети элни сёзюн этер.
- Бюгюн дуния кибик, тамбла ахыратды.
- Кёзю сокъурдан – къоркъма, кёлю сокъурдан – къоркъ.
- Термилгенинги табмазса, кюлгенинге тюберсе.
- Аууздан келген, къолдан келсе, ким да патчах болур эди.
- Къобан да къуру да къобханлай турмайды, адам да къуру да патчахлай турмайды.
- Эркиши – от, тиширыу – суу.
- Тамчы таш тешер.
- Адамны аты башхача, акъылы да башхады.
- Сыфатында болмагъаны, суратында болмаз.
- Ётюрюк хапар аякъ тюбю бла джюрюйдю.
- Ишленмеген джаш – джюгенсиз ат, ишленмеген къыз – тузсуз хант.
- Хоншуну тауугъу къаз кёрюнюр, келини къыз кёрюнюр.
- Халкъны юйю – туугъан джери.
- Таукел тауну аудурур.
- Ёмюрлюк шохлукъну джел элтмез.
- Иги сеники эсе да, сюйген кесимикин этеме.
- Тин – байлыгъынг, терен саулугъунг.
- Биреу къой излей, биреу той излей.
- Кёзюнде тереги болгъан, чёбю болгъаннга кюле эди.
- Тойгъанлыкъ къойгъа джарашады.
- Эки къатын алгъанны къулагъы тынгнгаймаз.
- Джаханимни кёрмей, джандетге кёл салмазса.
- Сормай – алма, чакъырылмай – барма.
- Тойгъан джерден туугъан джер игиди.
- Аджал соруб келмез, келсе, къайтыб кетмез.
- Тил – кесген бычакъ, сёз – атылгъан окъ.
- Чабакъ башындан чирийди.
Ана тилибизде селешейик!!!
Ответы
09.01.2007 13:01:18
бездушный кролик
"Неме " деген сез жокъду тау тилде))))))))) "иностранный" сез болуб му киргенди дейсе бизни тилге))))? |
|
|
|
13.01.2007 17:02:50
Тилибизде бир къауум сёзлеге джангыз магъана табылмаса да, бир къауумлагъа къурай бергендиле. Къубулчакъ, къошакъ, кука, махтанчакъ, омакъланыучу, уллу кёллю...)))
|
|
|
|
13.01.2007 17:04:43
Abdullah
))))))))))) Эм тюзю уа "важно не то, что сказано, а как сказано" деген болур)))))). |
|
|
|
14.01.2007 04:14:12
sama
Башинда смекалкасы (къарачайча калай боллугъуну билмейме) болгъан адам, кеси да англар, деген магъанагъа келе болур му? эшта джашада къал |
|
|
|
14.01.2007 16:28:14
Бу темандан кёчюрюлгендиле...
Abdullah Эльбрусоид # Дата: 13 Янв 2007 22:45 Ответить Цитата мундан тюл мындан. Тюзете туругъуз дегенинг эсимде эди да аны ючюн тюзеттим, ансы хар кимни да тюзетиб бармайма)). Сен да сау бол, Къарчаны табханынг ючюн. Энди бу теманы да къоратырыкъ болурсуз мен айтмасам да, мен да эркинлик береме. |
|
|
|
14.01.2007 16:30:31
Сэстренка
Эльбрусоид # Дата: 14 Янв 2007 01:14 Ответить Цитата мундан тюл мындан. и не "тюл", а "тюйюл" |
|
|
|
14.01.2007 16:31:02
Урфин
Эльбрусоид # Дата: 14 Янв 2007 12:03 Ответить Цитата Не кеп устаз жыйылды бир темада))) |
|
|
|
14.01.2007 16:31:17
Abdullah
Эльбрусоид # Дата: 14 Янв 2007 12:09 Ответить Цитата Бир сен джетмей эдинг, Урфин (Джус))) |
|
|
|
14.01.2007 16:31:29
Урфин
Эльбрусоид # Дата: 14 Янв 2007 12:15 Ответить Цитата Abdullah да мен акъыл тауш этмей ана тильде тюз жазаргъа юйренирге деп кельгенме;))))) |
|
|
|
14.01.2007 16:31:40
Della
Эльбрусоид # Дата: 14 Янв 2007 12:16 Ответить Цитата Ванхельсинг Къарчагъа уллу салам айтырсыз!! Кстати,мы тут решили еще в феврале собраться..как вы на это смотрите?))) |
|
|
|
|
|
|
|
|
|
|
|
|
|
|
|
|
|
|
|
|
||||
|
|
|||
Читают тему (гостей: 1)