- Ата Джуртун танымагъан, атасын да танымаз.
- Аджал соруб келмез, келсе, къайтыб кетмез.
- Чомарт къонакъ юй иесин сыйлар.
- Къыз тиширыу кеси юйюнде да къонакъды.
- Иги сеники эсе да, сюйген кесимикин этеме.
- Дуния малгъа сатылма, кесингден телиге къатылма.
- Тёзген – тёш ашар!
- Эллинг бла джау болсанг да, юйюнг бла джау болма.
- Ашда уялгъан – мухар, ишде уялгъан – хомух.
- Окъугъан озар, окъумагъан тозар.
- Бет бетге къараса, бет да джерге къарар.
- Джылкъыдан – ат чыгъар, тукъумдан – джаш чыгъар.
- Аууздан келген, къолдан келсе, ким да патчах болур эди.
- Орну джокъну – сыйы джокъ.
- Билеги кючлю, бирни джыгъар, билими кючлю, мингни джыгъар.
- Къонакъ кёб келюучю юйню, къазаны отдан тюшмез.
- Бек анасы джыламаз.
- Бал – татлы, балдан да бала – татлы.
- Тюзлюк шохлукъну бегитир.
- Ёзденликни кёбю ётюрюк.
- Ишлегенден, къарагъан уста.
- Сакъалы текени да бар, мыйыгъы киштикни да бар.
- Адам сёзюнден белгили.
- Аман эсирсе, юйюн ояр.
- Тойгъан антын унутур.
- Халкъгъа джарагъан, джарлы къалмаз.
- Юйюнгден чыкъдынг – кюнюнгден чыкъдынг.
- Эл ауузу – элия.
- Ата Джуртча джер болмаз, туугъан элча эл болмаз.
- Бек ашыкъгъан меннге джетсин, дегенди аракъы.
- Тёрдеги кюлсе, эшикдеги ышарыр.
- Ач къарынны, токъ билмез
- Джан саулукъ бермей, сан саулукъ бермезсе.
- Ач уят къоймаз.
- Дуния мал дунияда къалады.
- Сабийликде юретмесенг, уллу болса – тюзелмез.
- Аманнга игилик этсенг, юйюнге сау бармазса.
- Бал чибинни ургъаны – ачы, балы – татлы.
- Тил – кесген бычакъ, сёз – атылгъан окъ.
- Чабакъгъа акъыл, табагъа тюшсе келеди.
- Джеринден айырылгъан – джети джылар, джуртундан айырылгъан – ёлгюнчю джылар.
- Эки итни арасына сюек атма, эки адамны арасында сёз чыгъарма.
- Джыгъылгъанны сырты джерден тоймаз.
- Шекер бла туз – бир болмаз, ушамагъан – юй болмаз.
- Атынг аманнга чыкъгъандан эсе, джанынг тамагъынгдан чыкъсын.
- Къарыусузгъа кюлме, онгсузгъа тийме.
- Ёгюзню мюйюзюнден тутадыла, адамны сёзюнден тутадыла.
- Таукел тауну аудурур.
- Ата – билек, ана – джюрек!
- Ётген ёмюр – акъгъан суу.
Кто вы раньше: мусульманин или карачаевец-балкарец?
26.04.2006 14:17:27
Svou naciu nado uvojat i lubit.no esli pri etom idet ti stavish sebya vishe drugih ,tolko potomu chto ti karachaili-Allahdan kork allai sagishladan
|
|
|
|
Читают тему (гостей: 1)