- Тюзлюк шохлукъну бегитир.
- Тенги кёбню джау алмаз, акъылы кёбню дау алмаз.
- Эки элинги тыйсанг, джети элде махталырса.
- Атынг аманнга чыкъгъандан эсе, джанынг тамагъынгдан чыкъсын.
- Туз, гырджын аша, тюзлюк бла джаша.
- Ашатыргъа иш – ашхы, ишлетирге аш – ашхы.
- Къазанда болса, чолпугъа чыгъар.
- Къарнынг бла ёч алма.
- Тас болгъан бычакъны сабы – алтын.
- Ойнай билмеген, оюн бузар.
- Адамны бетине къарама, адетине къара.
- Сабийни джумушха джибер да, ызындан бар.
- Келгинчи, къонакъ уялыр, келгенден сора, къонакъбай уялыр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Соргъан айыб тюлдю, билмеген айыбды.
- Хазыр ашха – терен къашыкъ.
- Къоркъакъны кёзю экили кёрюр.
- Кюл тюбюндеги от кёрюнмейди.
- Эртде тургъан джылкъычыны эркек аты тай табар.
- Джылкъыдан – ат чыгъар, тукъумдан – джаш чыгъар.
- Айтылгъан сёз ызына къайтмаз.
- Магъанасыз сёз – тауушсуз сыбызгъы.
- Сагъышы джокъ – джукъучу, акъылы джокъ – къаугъачы.
- Ашхы болсанг, атынг чыгъар, аман болсанг, джанынг чыгъар.
- Ата Джуртча джер болмаз, туугъан элча эл болмаз.
- Билими азны – ауузунда кирит.
- Ата Джуртуму башы болмасам да, босагъасында ташы болайым.
- Къая джолда джортма, ачыкъ сёзден къоркъма.
- Байны къызы баймакъ болса да, юйде къалмаз!
- Чалманны аллы къалай башланса, арты да алай барады.
- Къаллай салам берсенг, аллай джууаб алырса.
- Экиндини кеч къылсанг, чабыб джетер ашхам.
- Ач, тоймам, дейди, тойгъан, ач болмам, дейди.
- Уллу суу бла уллу ауруудан башынгы сакъла.
- Сакъалы текени да бар, мыйыгъы киштикни да бар.
- Кирсизни – саны таза, халалны – къаны таза.
- Биреуню къыйынлыгъы бла кесинге джол ишлеме.
- Акъыллы эркиши атын махтар, акъылсыз эркиши къатынын махтар.
- Ётюрюк хапар аякъ тюбю бла джюрюйдю.
- Байдан умут эте, джарлыдан ёгюз багъасы къорады.
- Алгъанда – джууукъ, бергенде – джау.
- Ёлюр джаннга, ёкюл джокъ.
- Тёрде – темир таякълы, къаяда – чыпчыкъ аякълы.
- Ауузу бла къуш тута айланады.
- Эл бла кёргенинг эрелей.
- Аз айтсам, кёб ангылагъыз.
- Ариуну – ауруу кёб.
- Гугук кесини атын айтыб къычыргъанча, мен, мен деб нек тураса?
- Эри аманны, къатыны – аман.
- Чабакъ башындан чирийди.
религия
26.04.2006 01:20:57
Что говорится в Священной книге мусульман и сунне Пророка,про линии на ладонях?В науке "хиромантия".
|
|
|
|
Читают тему (гостей: 1)