- Джюрек кёзден алгъа кёрюр.
- Рысхы джалгъанды: келген да этер, кетген да этер.
- Адамгъа аман кюн соруб келмейди.
- Джаш къарыу бла кючлю, къарт акъыл бла кючлю.
- Ана къойну – балагъа джандет.
- Алма терегинден кери кетмез.
- Эски джаугъа ышанма.
- Узун джолну барсанг, бюгюн келирсе, къысха джолну барсанг, тамбла келирсе.
- Мал тутхан – май джалар.
- Джаз бир кюнню джатсанг, къыш талай кюнню абынырса.
- Этни бети бла шорпасы.
- Ата Джуртун танымагъан, атасын да танымаз.
- Тойчу джашха къарама, къойчу джашха къара.
- Эки къатын алгъан – эки ташны ортасына башын салгъан.
- Ёксюзню къалачы уллу кёрюнюр.
- Чакъырылмагъан къонакъ тёрге атламаз.
- Аман адам этегингден тутса, кес да къач.
- Ашаса, ашамаса да, бёрюню ауузу – къан.
- Джарашыу сюйген – джалынчакъ.
- Биреуге аманлыкъны тилеме да, кесинге ашхылыкъны тиле.
- Экеу тутушса, биреу джыгъылыр.
- Иги – алгъыш этер, аман – къаргъыш этер.
- Этим кетсе да, сюегим къалыр.
- Къызгъанчдан ычхыныр, мухардан ычхынмаз.
- Сескекли кесин билдирир.
- Аз сёлешген, къайгъысыз турур.
- Душманны тышы – акъ, ичи – къара.
- Аш иеси бла татлыды.
- Агъач халкъгъа алтынды, иссиликге салкъынды.
- Байлыкъ болгъан джерде, тынчлыкъ джокъду.
- Джогъун бар этген, барын бал этген.
- Окъумагъан сокъурду, сокъур ташха абыныр!
- Адебсиз адам – джюгенсиз ат.
- Арбаз сайлама да, хоншу сайла.
- Сангырау къулакъ эл бузар.
- Суу да къайтады чыкъгъан джерине.
- Баланы адам этген анады.
- Иги джашны ышаны – аз сёлешиб, кёб тынгылар.
- Этек чакъмакълары баш джаргъан, сёлешген сёзлери таш джаргъан.
- Эки итни арасына сюек атма, эки адамны арасында сёз чыгъарма.
- Ётюрюкден тюбю джокъ, кёлтюрюрге джиби джокъ.
- Адам боллукъ, атламындан белгили болур.
- Ишге юренсин къоллары, халкъ бла болсун джоллары.
- Элге къуллукъ этмеген, элге ие болмаз.
- Къулакъдан эсе, кёзге ышан.
- Аурууну келиую тынч, кетиую – къыйын.
- Ауурну тюбю бла, дженгилни башы бла джюрюген.
- Алгъанда – джууукъ, бергенде – джау.
- Уллу сёлешме да, уллу къаб.
- Иги сеники эсе да, сюйген кесимикин этеме.
