- Эр сокъур болсун, къатын тилсиз болсун.
- Чакъырылмагъан къонакъ къачан кетерин сормаз.
- Джиби бир къат джетмей эди да, эки къат тарта эди.
- Сёз сёзню айтдырыр.
- Келлик заман – къартлыкъ келтирир, кетген заман – джашлыкъ ёлтюрюр.
- Джарлыны тону джаз битер.
- Суу кетер, таш къалыр.
- Къыз тиширыу кеси юйюнде да къонакъды.
- Сабий кёргенин унутмаз.
- Олтуруб кёрюнмей эди да, ёрге туруб кёрюне эди.
- Юйюнг бла джау болгъандан эсе, элинг бла джау бол.
- Аман хансны – урлугъу кёб.
- Ишленмеген джаш – джюгенсиз ат, ишленмеген къыз – тузсуз хант.
- Ханы къызы буюгъа-буюгъа киштик болду.
- Насыб бютеу халкъны юлюшюдю.
- Чёбню кёлтюрсенг, тюбюнден сёз чыгъар.
- Аш хазыр болса, иш харам болур.
- Биреуню эскиси биреуге джангы болмайды.
- Ёлген аслан – сау чычхан.
- Эркишиге тары кебек танг кёрюнюр.
- Дуния малгъа сатылма, кесингден телиге къатылма.
- Ач бёрюге мекям джокъ.
- Акъыллы – эл иеси, тели – эл баласы.
- Джумушакъ терекни къурт ашар.
- Арыгъан къош чамчы болур.
- Байлыкъ болгъан джерде, тынчлыкъ джокъду.
- Уясында не кёрсе, учханында аны этер.
- Эки элинги тыйсанг, джети элде махталырса.
- Байдан умут эте, джарлыдан ёгюз багъасы къорады.
- Кеси юйюмде мен да ханма.
- Джырына кёре эжиую.
- Садакъачыны джаны – къапчыгъында.
- Къолу уллу – асыу, аягъы уллу – джарсыу.
- Кютгени беш эчки, сызгъыргъаны уа, джерни джарады.
- Татлы сёз – балдан татлы.
- Джаралыны джастыгъында сау ёлюр.
- Ишни ахырын ойламай, аллын башлама.
- Тик ёргени, тик энгишгеси да болады.
- Джаш къарыу бла кючлю, къарт акъыл бла кючлю.
- Мадар болса, къадар болур.
- Хунаны тюбюн къазсанг, юсюнге ауар.
- Малны кют, джерни тюрт.
- Кийимни бир кюнню аясанг, минг кюннге джарар.
- Хатерли къул болур.
- Аджаллыгъа окъсуз шкок атылыр.
- Бек анасы джыламаз.
- Айранны сюйген, ийнек тутар.
- Тойну къарнашы – харс, джырны къарнашы – эжиу.
- Кёзню ачылгъаны – иги, ауузну джабылгъаны – иги.
- Ата – баланы уясы.
Настоящая гордая Кумычка
Читают тему (гостей: 1)