- Чомарт къолда мал къалмаз.
- Эл бла кёргенинг эрелей.
- Сабийни джумушха джибер да, ызындан бар.
- Эки итни арасына сюек атма, эки адамны арасында сёз чыгъарма.
- Къралынгы – душмандан, башынгы от бла суудан сакъла.
- Абынмазлыкъ аякъ джокъ, джангылмазлыкъ джаякъ джокъ.
- Джашынгы кесинг юретмесенг, джашау юретир.
- Суугъа – таянма, джаугъа – ийнанма.
- Элиб деген, элге болушур.
- Таукел тауну аудурур.
- Чомартха Тейри да борчлуду.
- Арпа, будай – ащды, алтын, кюмюш а – ташды.
- Шекер бла туз – бир болмаз, ушамагъан – юй болмаз.
- Халкъгъа джарагъан, джарлы къалмаз.
- Нарт сёз къарт болмаз.
- Тюз сёз баргъан сууну тыяр.
- Адамны бетине къарама, адетине къара.
- Тамчы таш тешер.
- Адам сёзюнден белгили.
- Джарашыу сюйген – джалынчакъ.
- Биреуню эскиси биреуге джангы болмайды.
- Джиби бир къат джетмей эди да, эки къат тарта эди.
- Дуния малгъа сатылма, кесингден телиге къатылма.
- Тилсиз миллет джокъ болур.
- Тойгъан антын унутур.
- Эки къатын алгъан – эки ташны ортасына башын салгъан.
- Джаралыны джастыгъында сау ёлюр.
- Хар адамгъа кеси миннген тау кибик.
- Гыдай эчки суугъа къараб, мюйюзле кёрмесе, джашма алкъын, дегенди.
- Къолу уллу – асыу, аягъы уллу – джарсыу.
- Киштикге къанат битсе, чыпчыкъ къалмаз эди.
- Гитче джилтин уллу элни джандырыр.
- Тилчиден кери бол.
- Кёлсюзден сёзсюз тууар.
- Джарлы джети элни сёзюн этер.
- Баш болса, бёрк табылыр.
- Аз сёлеш, кёб ишле.
- Кёпюр салгъан кеси ётер, уру къазгъан кеси кетер.
- Нёгер болсанг, тенг бол, тенг болмасанг, кенг бол.
- Арыгъан къош чамчы болур.
- Джаным-тиним – окъуу, билим.
- Ёзденликни джайгъан – джокълукъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Джуртун къоругъан озар.
- Борчунг бар эсе, хурджунунга ойлаб узал.
- Къайгъы тюбю – тенгиз.
- Сангырау къулакъ эл бузар.
- Байлыкъдан саулукъ ашхыды.
- Тил – миллетни джаны.
- Эртде тургъан джылкъычыны эркек аты тай табар.
Пожалуйста, авторизуйтесь: