- Юй ишлеген балта эшикде къалыр.
- Ёлмесенг да, къарт дамы болмазса?
- Ашхы атаны – джашы ашхы, ашхы ананы – къызы ашхы.
- Аджашхан тёгерек айланыр.
- Рысхы – сют юсюнде кёмюк кибикди.
- Ашхы тенг джолгъа салыр, аман тенг джолдан тайдырыр.
- Иги джашны ышаны – аз сёлешиб, кёб тынгылар.
- Джуртун къоругъан озар.
- Кёзюнде тереги болгъан, чёбю болгъаннга кюле эди.
- Татлы сёз – балдан татлы.
- Бичгенде ашыкъма, тикгенде ашыкъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- От кюйдюрген, сау болса да, тот кюйдюрген, сау болмаз.
- Магъанасыз сёз – тауушсуз сыбызгъы.
- Акъыл къартда, джашда тюйюлдю – башдады.
- Этни да ашады, бетни да ашады.
- Аджал соруб келмез, келсе, къайтыб кетмез.
- Таукелге нюр джауар.
- Акъыл сабырлыкъ берир.
- Ойнай-ойнай кёз чыгъар.
- Ёлген эшек бёрюден къоркъмайды.
- Тил – миллетни джаны.
- Ач уят къоймаз.
- Тойгъан джерден туугъан джер игиди.
- Хар адамгъа кеси миннген тау кибик.
- Дууулдаса – бал чибин, къонса – къара чибин.
- Юре билмеген ит, къонакъ келтирир.
- Къарт айтханны этмеген, къартаймаз.
- Ачлыкъ отха секиртир.
- Айраннга суу къош, телиге джол бош.
- Бал – татлы, балдан да бала – татлы.
- Айтылгъан буйрукъ, сёгюлмез
- Суу ичген шауданынга тюкюрме.
- Суугъа – чабакъ, къаягъа – ыргъакъ.
- Ач къарным, тынч къулагъым.
- Накъырда – кертини келечиси.
- Къонакъ кёб келюучю юйню, къазаны отдан тюшмез.
- Байлыкъ келсе, акъыл кетер.
- Ашына кёре табагъы, балына кёре къалагъы.
- Кесинг сынамагъан затны, адамгъа буюрма.
- Ёпкелегенни ашы татлы болады.
- Джангызны оту джарыкъ джанмаз!
- Ышармагъан – кюлмез, кюлмеген – къууанчны билмез.
- Кирсизни – саны таза, халалны – къаны таза.
- Джумушакъ терекни къурт ашар.
- Кёбню кёрген – кёб билир.
- Окъуусуз билим – джокъ, билимсиз кюнюнг – джокъ.
- Билгенни къолу къарны джандырыр.
- Этек чакъмакълары баш джаргъан, сёлешген сёзлери таш джаргъан.
- Джарлы джети элни сёзюн этер.
ДЖИРИКОВЫ (КБР И КЧР) ОТЗОВИТЕСЬ
18.07.2010 15:04:43
ПРИВЕТ! МЕНЯ ЗОВУТ ДЖИРИКОВА ЗУХРА. ХОТЕЛОСЬ БЫ НАЙТИ СВОИХ РОДСТВЕННИКОВ И ОДНОФАМИЛЬЦЕВ. НАС МАЛО, НО МЫ-СИЛА!
|
|
|
|
Читают тему (гостей: 1)