- Тиширыусуз юй – отсуз от джагъа.
- Къызгъанчдан ычхыныр, мухардан ычхынмаз.
- Къайтырыкъ эшигинги, къаты уруб чыкъма.
- Къарт болгъан джерде, берекет болур, сабий болгъан джерде, оюн болур.
- Ёгюзню мюйюзлери ауурлукъ этмейдиле.
- Къарт айтханны этмеген, къартаймаз.
- Эки ойлашыб, бир сёлешген.
- Къартны сыйын кёрмеген, къартлыгъында сыйлы болмаз.
- Аман къатын алгъан, арыр, иги къатын алгъан джарыр.
- Гитче джилтин уллу элни джандырыр.
- Эм уллу байлыкъ – джан саулукъ.
- Акъыллы айтыр эди, акъылсыз къоймайды.
- Къарнынг ауруса, ауузунгу тый
- Кёрмегеннге кебек – танг, битмегеннге сакъал – танг.
- Арпа, будай – ащды, алтын, кюмюш а – ташды.
- Ашыкъгъанны этеги бутуна чырмалыр.
- Суу да къайтады чыкъгъан джерине.
- Шапа кёб болса, аш татымсыз болур.
- Къанны къан бла джуума, аманны аман бла къуума.
- Ашхы болсанг, атынг чыгъар, аман болсанг, джанынг чыгъар.
- Джети тилни билген джети кишиди.
- Акъыл аздырмаз, билим тоздурмаз.
- Ашаса, ашамаса да, бёрюню ауузу – къан.
- Чакъырылмай келген къонакъ сыйланмай кетер.
- Джолда аягъынга сакъ бол, ушакъда тилинге сакъ бол.
- Намыс сатылыб алынмайды.
- Адеб этмеген, адеб кёрмез.
- Иги адамны бир сёзю эки болмаз.
- Аурууну келиую тынч, кетиую – къыйын.
- Ишни аллы бла къууанма да, арты бла къууан.
- Адамгъа аман кюн соруб келмейди.
- Бети къызарыучу адамны, джюреги харам болмаз.
- Бастасын ашагъан, хантусун да ичер.
- Билим къая тешер.
- Ётюрюкчюню шагъаты – къатында.
- Иги сёз – джаннга азыкъ, аман сёз башха – къазыкъ.
- Дуния аламаты сен эсенг да, игиме деб айтма.
- Этим кетсе да, сюегим къалыр.
- Къонагъынгы артмагъын алма да, алгъышын ал.
- Мал кёб болса, джууукъ кёб болур.
- Кёз – сюйген джерде, къол – ауругъан джерде.
- Ханнга да келеди хариблик.
- Сууда джау джокъ, кёб сёзде магъана джокъ.
- Къозулугъунда тоймагъан, къойлугъунда тоймаз.
- Билмезни кёзю кёрмез, этмезни къулагъы эшитмез.
- Ана кёлю – балада, бала кёлю – талада.
- Башсыз урчукъ тюзюне айланмаз.
- Гырджын – тепсини тамадасы.
- Ашха уста, юйюнде болсун
- Окъуусуз билим – джокъ, билимсиз кюнюнг – джокъ.
Темирбулатовы!!!
Читают тему (гостей: 1)