- Байлыкъ келсе, акъыл кетер.
- Алтыннга тот къонмаз.
- Таугъа чыгъаллыкъ эсенг, тюзде къалма.
- Билим ат болуб да чабар, къуш болуб да учар.
- Ана – юйню кюн джарыгъы.
- Гугук кесини атын айтыб къычыргъанча, мен, мен деб нек тураса?
- Джаш къарыу бла кючлю, къарт акъыл бла кючлю.
- Халкъгъа джарагъан, джарлы къалмаз.
- Акъыл неден да кючлюдю.
- Кесинг сынамагъан затны, адамгъа буюрма.
- Болджал ишни бёрю ашар.
- Джюз элде джюз ёгюзюм болгъандан эсе, джюз джууугъум болсун.
- Эрине къаргъыш этген къатын, эрнин къабар.
- Иги сеники эсе да, сюйген кесимикин этеме.
- Аууздан келген, къолдан келсе, ким да патчах болур эди.
- Урама да – ёледи, сатама да – келеди.
- Эллинг бла джау болсанг да, юйюнг бла джау болма.
- Зар адам ашынгы ашар, кесинги сатар.
- Чыкълы кюнде чыкъмагъан, чыкъса къуру кирмеген.
- Кёбню кёрген – кёб билир.
- Адеб этмеген, адеб кёрмез.
- Кёрмегеннге кебек – танг, битмегеннге сакъал – танг.
- Юреннген ауруу къалмаз.
- Къазанчы аман болса, къазаны къайнамаз.
- Тилчи бир сагъатха айлыкъ хата этер.
- Ашхы атаны – джашы ашхы, ашхы ананы – къызы ашхы.
- Къууут – джелге, берне – бошха.
- Айран тёгюлсе, джугъусу къалыр.
- Дуния мал дунияда къалады.
- Ач къалгъандан, кеч къалгъан къолай.
- Ата – билек, ана – джюрек!
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Айтылгъан сёз ызына къайтмаз.
- Атадан ёксюз – бир ёксюз, анадан ёксюз – эки ёксюз.
- Аман къатын сабий табса, бий болур…
- Иги джашны ышаны – аз сёлешиб, кёб тынгылар.
- Ышармагъан – кюлмез, кюлмеген – къууанчны билмез.
- Ёгюзню мюйюзюнден тутадыла, адамны сёзюнден тутадыла.
- Билим насыб берир, билим джолну керир.
- Хар сёзню орну барды.
- Къыз тиширыу кеси юйюнде да къонакъды.
- Халкъны юйю – туугъан джери.
- Окъуусуз билим – джокъ, билимсиз кюнюнг – джокъ.
- Таукел къуру къалмаз.
- Ашхы тенг джолгъа салыр, аман тенг джолдан тайдырыр.
- Уллу сёзде уят джокъ.
- Ашарыкъда сайлагъаннга – чий гырджын.
- Нёгерсизни джолу узун.
- Сютден ауузу кюйген, суугъа юфгюре эди.
- Джети тилни билген джети кишиди.
Темирбулатовы!!!
Читают тему (гостей: 1)