- Иги адам абынса да, джангылмаз.
- Айтханы чапыракъдан ётмеген.
- Чалманны аллы къалай башланса, арты да алай барады.
- Тил бла келеди джыр да.
- Тешигини къатында, чычхан да батыр болур.
- Адам туугъан джеринде, ит тойгъан джеринде.
- Термилгенинги табмазса, кюлгенинге тюберсе.
- Ишин билген, аны сыйын чыгъарады.
- Ёлюр джаннга, ёкюл джокъ.
- Рысхысына кёре, джаш ёсер, къышлыгъына кёре, мал ёсер.
- Игини сыйлагъан адетди.
- Тюзлюк шохлукъну бегитир.
- Хар сёзню орну барды.
- Аллахдан тилесенг, кёб тиле.
- Кёрмегеннге кебек – танг, битмегеннге сакъал – танг.
- Элде адам къалмаса, ит тахтагъа минер.
- Намысы джокъну – дуниясы джокъ.
- Чомарт къонакъ юй иесин сыйлар.
- Орну джокъну – сыйы джокъ.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аз айтсам, кёб ангылагъыз.
- Къолунгдан къуймакъ ашатсанг да, атаны борчундан къутулмазса.
- Экеулен сёлеше тура эселе, орталарына барыб кирме.
- Иши джокъну, сыйы джокъ.
- Адамны артындан къара сабан сюрме.
- Тили узунну, намысы – къысха.
- Азыгъы аз, алгъа къабар, аты аман, алгъа чабар.
- Адам сёзге тынгыла, акъыл сёзню ангыла.
- Хаухну атма, ёнгкючню сатма.
- Тёзгеннге, джабылгъан эшик ачылыр.
- Бичгенде ашыкъма, тикгенде ашыкъ.
- Тиширыусуз юй – отсуз от джагъа.
- Татлы тилде – сёз ариу, чемер къолда – иш ариу.
- Бозаны арты дауур болур.
- Ач къарынны, токъ билмез
- Аман хансны – урлугъу кёб.
- Тик ёргени, тик энгишгеси да болады.
- Мураты болгъанны джюрек тебюую башхады.
- Башынга джетмегенни сорма.
- Къулакъдан эсе, кёзге ышан.
- Таш бла ургъанны, аш бла ур.
- Къуллукъчума, деб махтанма, къуллукъ – хаух джамчыды!
- Халкъны юйю – туугъан джери.
- Эл элде бирер малынг болгъандан эсе, бирер тенгинг болсун.
- Джыланны къуйругъундан басарынг келсе, аны башы болгъанын унутма.
- Ана къойну – балагъа джандет.
- Эри аманны, къатыны – аман.
- Илму – джашауну джолу.
- Арыгъан къош чамчы болур.
- Акъыл бла адеб эгизледиле.
Темирбулатовы!!!
Читают тему (гостей: 1)