- Къонакъ кёб келюучю юйню, къазаны отдан тюшмез.
- Джюз элде джюз ёгюзюм болгъандан эсе, джюз джууугъум болсун.
- Юй кюйдю да, кюйюз чыкъды, ортасындан тюйюш чыкъды.
- Эки ойлашыб, бир сёлешген.
- Къарт болгъан джерде, берекет болур, сабий болгъан джерде, оюн болур.
- Къарнынг бла ёч алма.
- Тойгъа барсанг, тоюб бар, эски тонунгу къоюб бар.
- Аманны къуугъан, аманлыкъ табар.
- Башланнган иш битер, къымылдагъан тиш тюшер.
- Тилчи тилден къаныкъмаз.
- Джангыз торгъай джырламаз.
- Телиге акъыл салгъандан эсе, ёлгеннге джан салырса.
- Адам сёзюнден белгили.
- Азыкълы ат арымаз, къатыны аман джарымаз.
- Намысы джокъну – дуниясы джокъ.
- Ётюрюк хапар аякъ тюбю бла джюрюйдю.
- Шекер бла туз – бир болмаз, ушамагъан – юй болмаз.
- Къартха ушагъан джаш – акъыллы, джашха ушагъан къарт – тели.
- Къонакъ хазыр болгъанлыкъгъа, къонакъбай хазыр тюлдю.
- Ата – баланы уясы.
- Суу кетер, таш къалыр.
- Сабийни джумушха джибер да, ызындан бар.
- Кийим тукъум сордурур.
- Биреу къой излей, биреу той излей.
- Ач да бол, токъ да бол – намысынга бек бол.
- Айтылгъан сёз ызына къайтмаз.
- Окъумагъан сокъурду, сокъур ташха абыныр!
- Минг тенг да азды, бир джау да кёбдю.
- Келинин тута билмеген, къул этер, къызын тута билмеген, тул этер.
- Ушамагъан – джукъмаз.
- Эм ашхы къайын ана мамукъ бла башынгы тешер.
- Ёлмесенг да, къарт дамы болмазса?
- Къартны бурнун сюрт да, оноугъа тут.
- Къуру гыбыт бек дыгъырдар.
- Билеги кючлю, бирни джыгъар, билими кючлю, мингни джыгъар.
- Тынгылагъан тынгы бузар.
- Накъырда – кертини келечиси.
- Джашынгы кесинг юретмесенг, джашау юретир.
- Бети бедерден, намыс сакълама.
- Экеу тутушса, биреу джыгъылыр.
- Джаханимни кёрмей, джандетге кёл салмазса.
- Мураты болгъанны джюрек тебюую башхады.
- Кютгени беш эчки, сызгъыргъаны уа, джерни джарады.
- Ашхы сёз таш тешер.
- Чыкълы кюнде чыкъмагъан, чыкъса къуру кирмеген.
- Тенгинг джокъ эсе – изле, бар эсе – сакъла!
- Огъурлуну сёзю – суу, огъурсузну сёзю – уу.
- Джашлыкъ этмеген, башлыкъ этмез.
- Байдан умут эте, джарлыдан ёгюз багъасы къорады.
- Къуллукъчума, деб махтанма, къуллукъ – хаух джамчыды!
