- Аз сёлешген, къайгъысыз турур.
- Башы ишлегенни, ауузу да ишлер.
- Джетген къыз джерли эшекни танымаз.
- Хунаны тюбюн къазсанг, юсюнге ауар.
- Байны оноуу, джарлыгъа джарамаз.
- Соргъан айыб тюлдю, билмеген айыбды.
- Бети бедерден, намыс сакълама.
- Билмезни кёзю кёрмез, этмезни къулагъы эшитмез.
- Тау башында, тау болмаз, джангыз терек, бау болмаз.
- Агъач – джерни чырайы, кийим – эрни чырайы.
- Джарлы эскисин джамаса, къууаныр.
- Окъугъан – асыу, окъумагъан – джарсыу.
- Аджалсыз ёлюм болмаз.
- Адебни адебсизден юрен.
- Ётюрюкден тюбю джокъ, кёлтюрюрге джиби джокъ.
- Сакъалы текени да бар, мыйыгъы киштикни да бар.
- Хансыз джомакъ болмаз.
- Тели турса – той бузар.
- Сабийни джумушха джибер да, ызындан бар.
- Акъыл аздырмаз, билим тоздурмаз.
- Эркиши – от, тиширыу – суу.
- Хар ишни да аллы къыйынды.
- Келинин тута билмеген, къул этер, къызын тута билмеген, тул этер.
- Таугъа чыгъаллыкъ эсенг, тюзде къалма.
- Къатын къылыкъсыз, эр тынчлыкъсыз.
- Экиндини кеч къылсанг, чабыб джетер ашхам.
- Ата – баланы уясы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Чомарт къолда мал къалмаз.
- Гитче джилтин уллу элни джандырыр.
- Кёб къычыргъандан – къоркъма, тынч олтургъандан – къоркъ.
- Тас болгъан бычакъны сабы – алтын.
- Джахил болса анасы, не билликди баласы?
- Къулакъдан эсе, кёзге ышан.
- Джылар джаш, атасыны сакъалы бла ойнар.
- Ариуну – ауруу кёб.
- Биреу ашаб къутулур, биреу джалаб тутулур.
- Билимден уллу байлыкъ джокъду.
- Адамны бетине къарама, адетине къара.
- Башынга джетмегенни сорма.
- Кёз – сюйген джерде, къол – ауругъан джерде.
- Аш иеси бла татлыды.
- Аманнга да, игиге да оноусуз къатышма.
- Аш берме да, къаш бер.
- Гугурук къычырмаса да, тангны атары къалмаз.
- Къартха ушагъан джаш – акъыллы, джашха ушагъан къарт – тели.
- Ишлегенден, къарагъан уста.
- Сагъышы джокъ – джукъучу, акъылы джокъ – къаугъачы.
- Тёрдеги кюлсе, эшикдеги ышарыр.
- Мени джылытмагъан кюн, меннге тиймесин!
