- Джети тилни билген джети кишиди.
- Къартха ушагъан джаш – акъыллы, джашха ушагъан къарт – тели.
- Джашлыкъ этмеген, башлыкъ этмез.
- Атынг аманнга чыкъгъандан эсе, джанынг тамагъынгдан чыкъсын.
- Кёлю джокъну – джолу джокъ.
- Бал чибинни ургъаны – ачы, балы – татлы.
- Билмегенинги, билгеннге сор.
- Тилчиден кери бол.
- Ётюрюкню башын керти кесер.
- Къызны минг тилер, бир алыр.
- Ойнай билмеген, уруб къачар.
- Таукелге нюр джауар.
- Бичгенде ашыкъма, тикгенде ашыкъ.
- Кёпюр салгъан кеси ётер, уру къазгъан кеси кетер.
- Окъдан джара эртде-кеч болса да бителир, сёз джара, ёмюрге къалыр.
- Иги болса, тамадама – махтау, аман болса, меннге – айыб.
- Тюкюрюк баш джармаз, налат кёз чыгъармаз!
- Бёрю да ач къалмасын, эчки да ашалмасын.
- Тюзлюк шохлукъну бегитир.
- Бек ашыкъгъан меннге джетсин, дегенди аракъы.
- Рысхы – сют юсюнде кёмюк кибикди.
- Кёз – сюйген джерде, къол – ауругъан джерде.
- Тойгъа алгъа да барма, тойда артха да къалма.
- Юйюнг бла джау болгъандан эсе, элинг бла джау бол.
- Къайгъы тюбю – тенгиз.
- Сабий болмагъан джерде, мёлек болмаз.
- Эл тойса, тоймагъан, эл къойса, къоймагъан.
- Ёлюк кебинсиз къалмаз.
- Татлы сёз – балдан татлы.
- Юй кюйдю да, кюйюз чыкъды, ортасындан тюйюш чыкъды.
- Джетген къыз джерли эшекни танымаз.
- Ариу сёз – къылычдан джити.
- Нёгерсизни джолу узун.
- Иги адам абынса да, джангылмаз.
- Чоюнну башы ачыкъ болса, итге уят керекди.
- Тойгъанлыкъ къойгъа джарашады.
- Къошда джокъгъа – юлюш джокъ.
- Бети къызарыучу адамны, джюреги харам болмаз.
- Тойгъандан сора, ашны сёкме.
- Хантына кёре тузу, юйюне кёре къызы.
- Эки итни арасына сюек атма, эки адамны арасында сёз чыгъарма.
- Ачыу алгъа келсе, акъыл артха къалады.
- Урама да – ёледи, сатама да – келеди.
- Аякъларынгы джууургъанынга кёре узат.
- Танг атмайма десе да, кюн къоярыкъ тюйюлдю.
- Къыз келсе, джумуш эте келеди, къатын келсе, ушакъ эте келеди.
- Адебни адебсизден юрен.
- Акъыллы эркиши атын махтар, акъылсыз эркиши къатынын махтар.
- Джарашыу сюйген – джалынчакъ.
- Тойну къарнашы – харс, джырны къарнашы – эжиу.