- Алма терегинден кери кетмез.
- Аманнга игилик этсенг, юйюнге сау бармазса.
- Суу кетер, таш къалыр.
- Билим насыб берир, билим джолну керир.
- Ата – билек, ана – джюрек!
- Къонагъынгы артмагъын алма да, алгъышын ал.
- Намыс болмагъан джерде, насыб болмаз.
- Къартха ушагъан джаш – акъыллы, джашха ушагъан къарт – тели.
- Сакъламагъан затынга джолукъсанг, не бек къууанаса, не бек ачыйса.
- Ач, тоймам, дейди, тойгъан, ач болмам, дейди.
- Урама да – ёледи, сатама да – келеди.
- Тойгъан антын унутур.
- Ат да турмайды бир териде.
- Къызгъанчдан ычхыныр, мухардан ычхынмаз.
- Байдан умут эте, джарлыдан ёгюз багъасы къорады.
- Къыйынлы джети элге оноу этер.
- Адебни адебсизден юрен.
- Келинни – келгинчи, бёркню кийгинчи кёр.
- Бал чибинни ургъаны – ачы, балы – татлы.
- Айтхан сёзюне табылгъан.
- Къарыусузгъа кюлме, онгсузгъа тийме.
- Тилчи бир сагъатха айлыкъ хата этер.
- Сёз сёзню айтдырыр.
- Ёксюзню къалачы уллу кёрюнюр.
- Тилсиз миллет джокъ болур.
- Аман адам этегингден тутса, кес да къач.
- Аман эсирсе, юйюн ояр.
- Ашлыкъ – бюртюкден, джюн – тюкден.
- Къазанны башы ачыкъ болса, итге уят керекди.
- Иги болса, тамадама – махтау, аман болса, меннге – айыб.
- Айранын берсенг, челегин да къызгъанма.
- Ач къарным, тынч къулагъым.
- Кёбден умут этиб, аздан къуру къалма.
- Тин – байлыгъынг, терен саулугъунг.
- Рысхы – сют юсюнде кёмюк кибикди.
- Билим – акъылны чырагъы.
- Джумушакъ терекни къурт ашар.
- Кёкдеги болмаса, джердегин кёрмейди.
- Хазыр ашха – терен къашыкъ.
- Джол бла сёзню къыйыры джокъ.
- Окъдан джара эртде-кеч болса да бителир, сёз джара, ёмюрге къалыр.
- Халкъны юйю – туугъан джери.
- Азыкъ аз болса, эртде орун сал.
- Кёлю джокъну – джолу джокъ.
- Джахил болса анасы, не билликди баласы?
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Арбаз къынгырды да, ийнек сауалмайма.
- Тилчи тилден къаныкъмаз.
- Хунаны тюбюн къазсанг, юсюнге ауар.
- Кирсизни – саны таза, халалны – къаны таза.
