- Эм уллу байлыкъ – джан саулукъ.
- Ойнай билмеген, оюн бузар.
- Орну джокъну – сыйы джокъ.
- Таукелге нюр джауар.
- Алма терегинден кери кетмез.
- Адам къаллай бир ишленмесе, аллай бир кесин уллу кёреди.
- Кютгени беш эчки, сызгъыргъаны уа, джерни джарады.
- Иги адамны бир сёзю эки болмаз.
- Экеу тутушса, биреу джыгъылыр.
- Чабакъгъа акъыл, табагъа тюшсе келеди.
- Шапа кёб болса, аш татымсыз болур.
- Кёб джат да, бек чаб.
- Эл ауузу – элек, анга ийнаннган – халек.
- Къызгъанчдан ычхыныр, мухардан ычхынмаз.
- Ач къалгъандан, кеч къалгъан къолай.
- Юйюнгден чыкъдынг – кюнюнгден чыкъдынг.
- Мухардан ач ычхынмаз.
- Билген билмегенни юретген адетди.
- Джиби бир къат джетмей эди да, эки къат тарта эди.
- Хата – гитчеден.
- Чомарт къонакъ юй иесин сыйлар.
- Чакъырылмагъан къонакъ – орунсуз.
- Тамбла алтындан бюгюн багъыр ашхы.
- Эринчекни эр алмаз, эр алса да, кёл салмаз, кёл салса да, кёб бармаз!
- Мураты болгъанны джюрек тебюую башхады.
- Уллу сёлешме да, уллу къаб.
- Джауумдан сора, кюн кюйдюрюр, ётюрюкден сора, айыб кюйдюрюр.
- Окъуу – билимни ачхычы, окъуу – дунияны бачхычы.
- Сабийликде юретмесенг, уллу болса – тюзелмез.
- Ёлюк кебинсиз къалмаз.
- Джыгъылгъанны сырты джерден тоймаз.
- Джыйырма къойну юч джыйырма эбзе кюте эди.
- Нёгер болсанг, тенг бол, тенг болмасанг, кенг бол.
- Артына баргъанны, къатына барма.
- Ач келгенни – тойдур, кеч келгенни – къондур.
- Къазанда болса, чолпугъа чыгъар.
- Адеб базарда сатылмаз.
- Къанны къан бла джуума, аманны аман бла къуума.
- Алгъанда – джууукъ, бергенде – джау.
- Бозанг болмагъан джерге, къалагъынгы сукъма.
- Ауурну тюбю бла, дженгилни башы бла джюрюген.
- Эркишини аманы тиширыуну джылатыр.
- Ётген ёмюр – акъгъан суу.
- Ётюрюкчюню шагъаты – къатында.
- Таугъа чыгъаллыкъ эсенг, тюзде къалма.
- Хар зат кесини орнуна иги.
- Танг атмайма десе да, кюн къоярыкъ тюйюлдю.
- Джюрек кёзден алгъа кёрюр.
- Ёксюзню тилеги къабыл болур.
- Тёрдеги кюлсе, эшикдеги ышарыр.