- Халкъны джырын джырласанг, халкъ санга эжиу этер.
- Аз сёлеш, кёб ишле.
- Уллу къашыкъ эрин джыртар.
- Болджал ишни бёрю ашар.
- Этек чакъмакълары баш джаргъан, сёлешген сёзлери таш джаргъан.
- Тёзген – тёш ашар!
- Ана къойну – балагъа джандет.
- Олтуруб кёрюнмей эди да, ёрге туруб кёрюне эди.
- Мухар, кеси тойса да, кёзю тоймаз.
- Харам къарнашдан, халал тенг ашхы.
- Айранын берсенг, челегин да къызгъанма.
- Джаралыны джастыгъында сау ёлюр.
- Аш кетер да бет къалыр.
- Ётюрюкден тюбю джокъ, кёлтюрюрге джиби джокъ.
- Ач уят къоймаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Абынмазлыкъ аякъ джокъ, джангылмазлыкъ джаякъ джокъ.
- Этим кетсе да, сюегим къалыр.
- Кёзюнде тереги болгъан, чёбю болгъаннга кюле эди.
- Чомарт джарлы болмаз.
- Берекет берсин деген джерде, берекет болур.
- Эринчекни эр алмаз, эр алса да, кёл салмаз, кёл салса да, кёб бармаз!
- Биреуню тёрюнден, кесинги эшик артынг игиди.
- Агъач халкъгъа алтынды, иссиликге салкъынды.
- Къошда джокъгъа – юлюш джокъ.
- Къайгъы тюбю – тенгиз.
- Аманнга алтын чыдамаз.
- Бозаны арты дауур болур.
- От кюйдюрген, сау болса да, тот кюйдюрген, сау болмаз.
- Накъырда – кертини келечиси.
- Таула не мийик болсала да, аууш табылыр.
- Ауругъан – джашаудан умутчу.
- Ашхы болсанг, атынг чыгъар, аман болсанг, джанынг чыгъар.
- Аджаллыгъа окъсуз шкок атылыр.
- Кирсизни – саны таза, халалны – къаны таза.
- Башынга джетмегенни сорма.
- Бюгюн дуния кибик, тамбла ахыратды.
- Адамны джюреги нени кёрюрге сюйсе, кёзю да аны кёрюрге ёч болады.
- Ханнга да келеди хариблик.
- Джарлыны эшигин махтагъан джабар.
- Къарт болгъан джерде, берекет болур, сабий болгъан джерде, оюн болур.
- Юй кюйдю да, кюйюз чыкъды, ортасындан тюйюш чыкъды.
- Тюзлюк тас болмайды.
- Ёнгкюч къууана барыр, джылай келир.
- Сормай – алма, чакъырылмай – барма.
- Кёб джат да, бек чаб.
- Эркишини аманы тиширыуну джылатыр.
- Биреуге аманлыкъны тилеме да, кесинге ашхылыкъны тиле.
- Игини сыйлагъан адетди.
- Тюзню ётмеги тюзде къалса да, тас болмаз.
Этногенез европейской цивилизации.
|
нет
|
||||
|
|
|
|||
Читают тему (гостей: 1)