- Ачыкъ джюрекге джол – ачыкъ.
- Эл ауузу – элек, анга ийнаннган – халек.
- Тойгъан джерден туугъан джер игиди.
- Чарсда алчыны эл кёреди.
- Билим къая тешер.
- Ушамагъан – джукъмаз.
- Айран ичген – къутулду, джугъусун джалагъан – тутулду.
- Кеси юйюмде мен да ханма.
- Джашынгы кесинг юретмесенг, джашау юретир.
- Ашлыкъны арба юйге келтирир, чана базаргъа элтир.
- Эркиши – от, тиширыу – суу.
- Адам сёзюнден белгили.
- Айранны сюйген, ийнек тутар.
- Арпа, будай – ащды, алтын, кюмюш а – ташды.
- Мен да «сен», дейме, сен да «кесим», дейсе.
- Эл тойса, тоймагъан, эл къойса, къоймагъан.
- Шайтан алдады, тюзлюк къаргъады.
- Тюзлюк шохлукъну бегитир.
- Айтханы чапыракъдан ётмеген.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Чомартха хар кюн да байрамды.
- Онгсузну – джакъла, тенгликни – сакъла.
- Ачлыкъда тары гырджын халыуадан татлы.
- Джыгъылгъанны сырты джерден тоймаз.
- Кёрмегеннге кебек – танг, битмегеннге сакъал – танг.
- Юреннген ауруу къалмаз.
- Къонакъны къачан кетерин сорма, къачан келлигин сор.
- Баш болса, бёрк табылыр.
- Тенгни тенглиги джашай барсанг билинир.
- Бети къызарыучу адамны, джюреги харам болмаз.
- Джол бла сёзню къыйыры джокъ.
- Джахил болса анасы, не билликди баласы?
- Кийимни бичсенг, кенг бич, тар этген къыйын тюлдю.
- Ышармагъан – кюлмез, кюлмеген – къууанчны билмез.
- Ашыкъгъан cуу, тенгизге джетмез.
- Ашхы атаны – джашы ашхы, ашхы ананы – къызы ашхы.
- Борчунг бар эсе, хурджунунга ойлаб узал.
- Эшекни не къадар тюйсенг да, ат болмаз.
- Джырчы ёлсе, джыры къалыр.
- Илму – джашауну джолу.
- Аууз сакълагъан – джан сакълар.
- Итли къонакъ джарашмаз.
- Эрине къаргъыш этген къатын, эрнин къабар.
- Къонакъ аз олтурур, кёб сынар.
- Тил – миллетни джаны.
- Юйлю уругъа ит чабмаз.
- Къарын къуру болса, джюрек уру болур.
- Аякъларынгы джууургъанынга кёре узат.
- Тил джюрекге джол ишлейди.
- Битмегеннге сакъал – танг.
Этногенез европейской цивилизации.
|
нет
|
||||
|
|
|
|||
Читают тему (гостей: 1)