- Нарт сёз – тилни бети.
- Билим къая тешер.
- Булут кёкге джарашыу, уят бетге джарашыу.
- Иги адам абынса да, джангылмаз.
- Кёбню кёрген – кёб билир.
- Эки итни арасына сюек атма, эки адамны арасында сёз чыгъарма.
- Огъурлуну сёзю – суу, огъурсузну сёзю – уу.
- Джылкъыдан – ат чыгъар, тукъумдан – джаш чыгъар.
- Къарын къуру болса, джюрек уру болур.
- Махтаннган къыз, тойда джукълар.
- Кёлю джокъну – джолу джокъ.
- Джаз бир кюнню джатсанг, къыш талай кюнню абынырса.
- Биреу къой излей, биреу той излей.
- Айран тёгюлсе, джугъусу къалыр.
- Ашатыргъа иш – ашхы, ишлетирге аш – ашхы.
- Юй ишлеген балта эшикде къалыр.
- Къайгъы тюбю – тенгиз.
- Суугъа – чабакъ, къаягъа – ыргъакъ.
- Алтыннга тот къонмаз.
- Джюрек кёзден алгъа кёрюр.
- Борчунг бар эсе, хурджунунга ойлаб узал.
- Суугъа – таянма, джаугъа – ийнанма.
- Тамчы таш тешер.
- Рысхы – сют юсюнде кёмюк кибикди.
- Малны кют, джерни тюрт.
- Итли къонакъ джарашмаз.
- Ёзденликни кёбю ётюрюк.
- Башланнган иш битер, къымылдагъан тиш тюшер.
- Иги сеники эсе да, сюйген кесимикин этеме.
- Къатын байлыкъны сюер, эр саулукъну сюер.
- Джети тилни билген джети кишиди.
- Ашхы атаны – джашы ашхы, ашхы ананы – къызы ашхы.
- Аурууну келиую тынч, кетиую – къыйын.
- Сууда джау джокъ, кёб сёзде магъана джокъ.
- Кийим тукъум сордурур.
- Ач да бол, токъ да бол – намысынга бек бол.
- Зарда марда джокъ.
- Юре билмеген ит, къонакъ келтирир.
- Экиндини кеч къылсанг, чабыб джетер ашхам.
- Билимли ёлмез, билимсиз кёрмез.
- Тюз сёз баргъан сууну тыяр.
- Эшекге миннген – биринчи айыб, андан джыгъылгъан – экинчи айыб.
- Мал тутхан – май джалар.
- Тамбла алтындан бюгюн багъыр ашхы.
- Кёз – сюйген джерде, къол – ауругъан джерде.
- Тёрдеги кюлсе, эшикдеги ышарыр.
- Байлыкъ адамны сокъур этер.
- Ашлыкъны арба юйге келтирир, чана базаргъа элтир.
- Кирсизни – саны таза, халалны – къаны таза.
- Агъач халкъгъа алтынды, иссиликге салкъынды.
Московский государственный университет печати:))
|
Скучный сайт, но все равно:
привет, alma mater!!! :smt006 :smt003
Кому не слабО?=)))
|
|
|
|
|
|
О, еще кто-то был в этих стенах :smt002 Какой фак?
|
|
|
|
|
Читают тему (гостей: 1)